The Sublî is a religious folk dance of the Tagalog ethno-linguistic group in the Philippines. It is mostly confined to several towns in the province of Batangas. Choreography: Le-ann Mae Salazar
HINDI PO ITO ANG TOTOONG SUBLI NG BATANGAS Kung atin nga pong papansinin ang kilos ng mga babae ay may pagkendeng at pagwasiwas ng mga sumbrero, pero wala naman po ito sa orihinal na Subli. Ang kilos ng mga babaeng manunubli (mananayaw ng Subli) ay graceful o refined, at ang bawat kilos hanggang sa pagwagayway ng sumbrero ay may kahulugan, dahil sila ay nananalangin. Gayundin sa lalaking manunubli. Dito ay parati silang nakayuko, parang nagtatanim, pero sa orihinal na subli sila ay maliliksi, matitikas, at bibihira silang yumuko o magbali ng katawan, kaya ang pagpapakahulugan ng salitang Subli bilang pinagsamang subsob at bali ay mali rin. Ayon sa research ni Dr. Elvira , itinala ng mga misyonerong Kastila ang salitang Subli na nangangahulugang "salisi" o pagpapalit ng pwesto, na kitang-kita pa rin sa orihinal na version ng Subli. ayon din sa kanila ang salitang Subli ay noon pa man ay ginamit na upang itawag sa sayaw ng mga katutubong Tagalog para sa Mahal na Poong Santa Krus Ang pagsayaw din ng Subli sa saliw ng rondalla ay naiiba rin sa orihinal na Subli, na isinasayaw sa saliw ng tambol na kung tawagin ay tugtugan, na gawa sa kahoy at balat ng bayawak, at kalasteng kawayan (bagama't sa Agoncillo ay may parte ng kanilang version ng Subli na sinasayaw sa saliw ng gitara at banjo, at ang kalasteng kanilang ginagamit ay Castanet na pang Flamenco). Hindi rin dapat nawawala ang mga awit sa Krus na dapat kinakanta sa bawat pagsasayaw nito. Nakakalungkot lamang isipin bilang isang Batangueño na ang version ng Subli na itinuturo ngayon sa kabataan ng mga paaralan sa iba't ibang bahagi ng bansa ay malayong-malayo sa orihinal na pinagkuhanan nito. Ang Subli na itinuturo ay Subli na pilit ginawang mala-Kastila, pilit iwinangis sa kulturang dayuhan, at parang inilayo sa pinagmulan nitong kulturang Katutubong Tagalog. At ang pinakamalungkot sa lahat ay ipinapakita nila ang Subli bilang isang sayaw na katuwaan lamang, samantalang ang orihinal na Subli ay isang panalangin, isang panata, isang ritwal ng pakikipag-ugnayan sa Diyos, sa paghingi sa Kanya ng pagpapala at sa pagpapasalamat sa Kanya sa mga biyayang natanggap. At higit sa lahat, ang Subli ay simbolo ng pagpapakita ng pananampalataya ng mga Batangueño bilang mga Katoliko Kristiyano sa paraang katutubo.
