Ural dağı, Ural da dağı,
Yoq onıñ et-yağı.
Bizim Qırımnıñ taş-toprağı
Yüreçigimniñ yağı.
Sarımsağı, soğanları
Saçılmış qaldı.
Azbarlar tolu ayvanlarımız
Mağrışıp qaldı.
Quvanmañız siz, yavurlar,
Qırımtatarnıñ malına.
Biz qaytırmız, siz kelirsiz
Uralnıñ dağına.
Yansın da, yansın, Ural da dağı,
Yansın da, kül olsun.
Bizni Qırımdan çıqarğanlarnıñ
Közleri kör olsun.
crimeanm... - Qırım muzıkasınıñ eñ büyük arhivi
Крымская музыка, клипы, тексты, переводы, ноты, минусовки, рингтоны, караоке и др.
Please subscribe to our channel!
26 авг 2024