Ale hipau composed shitsu keu ye 13/08/2023 lono akuxü kuha vai. Ikemo ale hipau vechoü paü bass voice inilu aye amulo kiqi shi acheni.. We missed you Apuka. Such a wonderful tune composed.
Best of the best my village. My Sutemi mountain home❤️❤️❤️ This song will echo in the hills of my village forever. Thank God for all the mesmerising beauty and amazing talent that he bless my Village 👍✨
Ale hipau ye Nithikuzü Nipuka Chishi noh iqhi tsukeu ke ( Composed) shitsu ke. Sutemi tiqhelimi qo pelo pa kumusuna mokeu michi shi Souvenir lo paje yephe tsu eno certificate patusulu aye alo nani.
Bess suakeu aghile kuchou...Anthem le ye shimla kepu toi kemu pano bidi no phekeuye akighiche kuchou ke ne,ni sumi ale kiphemi akighiche kutomo ipeghi akeu ghenguno nilhou shikimithie.
KUMTSU NO PHIJUTSULO Sumi lhoxu kumsu lau Toluni jelono pi ani . Sümi ye kumtsu Tuku Swu philo no ighi nei. Ishi tsala ye Sümi pututa ghami pututa ghakhu lo xuuva cho. Pututa sholokumi bolomi ipi kuuva. Sumi ghi shiye lakhi nagami gholo. Akhoto shi atsa hipaqo ani, SUMI YE Kiu shiye kulakishi shimula kya? Akhoto ye nipu nisu gholokilo no aki alu hakho kishi ighive kelono ke, alagha shi asholokumi shi no aghulomi qhasu hasuve ghi ighivae ikemu Kughou no JisuChristo papeve keno kikimiye ithi ashi aghungu kikili ghili ithivae. Kughou Nagami no State ithulu keno akighithi avehupu shiuve, tishimo aye kutami no niqhasu ghasu ni ake ghenguno. I no no-no opuasu ghili piana shianamu tiye adou shive nia, itehimu Sümi kipitimi kekumo no totimi thotsu ghi niye hipano lagha nipu nisu no aki alu pighi ighi ipi aqhekuza tsa pi timi thaigha kemi ani. Atsa kumka ale kumka no Sümi dolo kipekulo keu kutomu ani. Khami no akuka phi kishi kelo aghumi shiani, khami no AYEGHI KISHI, AGHUTHU AGHUPHI KISHI ,KUTAMI KI ALU HAPHE KELO NO IPI ITHIVELO. .Ike Sümi Zbto district qholo xuakemi ghi ithive lo cho. Pa li ye kuchou no Motherland ghengu no aghalomi shi ani keo paki sughuu ju alomo kelau no Aghalomi shiuve anikeno ithive lo. Khami pa kisughuu no paghuthu hakholuve kelo no kutotsuni ipi aghalomi ghi ani putsae, khami ye pakusau junishi moaye no Xukithemokemi ani, no no okisughu wu aghuthu hakho hapheluve kelo no oju alomo no Aghalomi shiuve aghiluvi ,akukuhou Church lakhi shini shimo aghimutha. Ike Tuluni 2023 jelono sümi kumtsu apu asu no xupimi ighive kiu aghimu tipau gholau no xumo no Christomi kukhoaye lono xukithi kithe no xuwove masa ani. Akhotho shi hipaqo shikitheve masa :(1) Aqhekuza tsa sumi dolo pikile chekiu , asholokumi shi abolomi shino achipi kumoamu saphu kile kuchughu kile chekiu tave masa .（2) Aghuthu aghuphi tsa , nono okisughumi ghuthu haphe chekiu tipau, timi kutami ki alu hapheluve chikiu tave masa, oghengu okisughu no ime aghi aye noye tipau ghumi ipi ithi masa. (3) Sumi ayeghi pighimi (Land owners) khuno no ayeghi plot eno aki alu jechuva kela athiu ye oti onulimi pishiqhi no jemphi ipi chekiu tave masa. Itehimu sumi lhoxu apunu mpe 50 lono 60 kutolo shive kemi Sümi public dolo kutomu ani ,timi titoyi kemi no Highways kutolo aki shisu alu shisu no sumi society ye imeve ani. Hitoyi keu lo aqoaho no government yezah no ghasu hasu moveke lono alau alau Sümi public dolo agho agho shikemi ipeghive ani. Shikitheve masa nei.(4) Sumi kumtsu akho aye ithino xu masaa Minister MLA lakhi no palami lau pikiu tsa mijetsu kiu tsa pesu ayeza toyi peitha kelo, ayeza ye GoI no ayeza bolo yepua kiu peitha nani,akemu khiuala no achipiu ghenguno pi shi aghi aye ti akhoto shilo. (5)Sumi Society ghi kighithimi alokutsumi peitha tsulo. Khaghi mu Indiami no ni nagami public kughaluve akilomi aghalomi kughaluve kelo kighithi no xaphelu cheke ti ithive masa. Ishi nagaland lo akuka ghoshixu ghengu no thowkhalo kuchou tsa ale ye zugha shive tsu ani nei eno akighithi ye akhoto kumo Kiu lo hesave ani nei, ikemu Sümi qo no-no akuka ghili pina opuasu ghili ashitomi aghutomi pinamu kiumu tiqheli hipaulo Aghumi akujou shou tomulae ,akighithi likhino tolu nani. Aighithi ye amikucho achipiu tsa pinani , degrees kuloghi tsamu piamo ke nei. Khamiye class 10-12 likhi phimu kuchou kighithi ani ,12 lono BA kutolomu kuchou. Pa li ye Honours kumomu kuchou kighithi ani.Kuchou kighithi akhoto shini thono higher degrees pu society ghili mu mutha kemi ye jukusau shi ani, tino timi qoye akighithi ye zugha gholau no peitha auve ani. Ike sumi qoaho no kisheluve masa. (7) Khuuala ye ado kitila ghenguno kutami pukunishimo akishe tsuni shomoye no kuchoumi pesu kuloti shive peniye amuqu shiaghiluvi, ikemu aqoaho hasapu shi nani. (8) Achipiu lo puthogho kile lo. Khiuno shiye tribe mu ighino ni sumi shikithe tsumoa. Sümi dolo pi shi kile no achipi kumo kiu ye achipi kumo ipi pilo. Corruption shive kemi MLAs ministers shi aghimu achipiu kumo kemi ado achipi lono hughi pe kevelo (8)Alakemine/alakuputa Sümi dolo akeu. Tiqhelimi no avesa ani eno chukemi ye Aghakiqi shi chuvaighiva shoighiva ikemu imekemi ye alau imekitheve ani . Aki alu ayeghi kumtsu ou shikhave kelo kutami ye khila povelo pikea?
