YM U BRIEW UBA LAH BAN PYNKYLLA KABAMUT !
Ïa kane ka jingrwai nga la thaw nyngkong eh hadien ba U Blei u la pynkylla kabamut ïa nga, namar kata nga thaw ha ka rukom kum ka jingsngew nguh ïa U, kadei ruh ka video ba sdang edit nyngkong2 eh kata ha u snem 2013.
Nga ainguh eh ïa U Blei haba naduh u snem 1992 nga la mad ïa u drug da kaba sdang nyngkong eh ïa ka phensidyle, suki pa suki sha u Nitrosun 10, Brownsugar, Hash, Opium, Heroin, Cocaine bad kiwei kiwei.Ymtang katta ka jingawria, ka lute, ka leh khla, ka thok, ka shukor ka sarong khyllew bad bad kiwei kiwei, hynrei U Blei da ka jingisynei u la wan ha ka pyrthei ban pynim ïa uba kum ma nga u nongpop, kumta ha u snem 2012 U Jisu u la pynkylla kabamut ïa nga khlem da leh ïa ka rehabilitation pynban nga la ïoh khiah, kumta nga kyntu ïa ki longkmie kiba don ïa ki khun kiba dang donkam ïa ka jingkylla kabamut kimdei ban khuslai, kim dei ban mai, dom, shoh, ne leit ban pynlut pisa da ka jingthmu ban pynkhiah ïa la ki khun hynrei nyngkong eh ki kmie ki kpa hi ki donkam ban kylla kabamut bad kaei kaba phi dei ban leh nyngkong eh ka long tang ban duwai ha kaba rieh, U Blei un sa pynpaw ïa ka bor jong U, nga ïohi bun na ki kmie ki kpa kim don por ban pynlut por ha ki jingduwai na ka bynta ki khun ban dem khrup ïalade ha kaba jar jar hynrei ki don tang ka pisa ban pynlut na ka bynta ki khun, kumta lada phi don ïa kum kata ka jinglong dang donkam ban kylla ! namar ka ktien ka ong “U Blei uba pynkylla kabamut ïa u briew”
Ki kam U Apostle 11:18
24 окт 2024