Ramil Usubov Daxili İşlər naziri vəzifəsindən azad olunub, onun yerinə isə müavini Vilayət Eyvazov təyin edilib.
70 yaşlı Ramil usubov 1994-cü ildən bu yana - artıq 25 il idi ki ölkə polisinə rəhbərlik edirdi. Prezidentin qərarı ilə o, Təhlükəsizlik Şurasının katibi təyin edilib.
51 yaşlı Vilayət Eyvazov isə 2005-ci ildən Daxili İşlər nazirinin müavini idi. O, daha çox 2003-cü ildə Baş Mütəşəkkil Cinayətkarlıqla Mübarizə İdarəsinin rəis müavini olarkən Bakıda müxalifətin etiraz aksiyalarının dağıdılması, aksiyaçılara qarşı odlu silahdan xəbərdarlıq atəşi açması ilə gündəmə gəlmişdi.
Prezidentin sərəncamı ilə Dövlət Təhülkəsizlik xidmətinin rəisi Mədət Quliyev də vəzifəsindən azad edilərək Müdafiə Sənayesi naziri təyin edilib. Təhlükəsizlik xidmətinə isə Əli Nağıyev təyin edilib.
3 окт 2024