Taanzia ya Morara, mbunge aliyehudumu kwa miezi tisa pekee kabla ya kifo kumchukua kutoka duniani 

George Morara alikuwa mbunge aliyehudumu kwa miezi tisa pekee kabla ya kifo kumchukua kutoka duniani. Inasemekana mjumbe huyo mchanga ki umri na pia kisiasa alikuwa ameipatia serikali muda wa saa 48 kuelezea aliko mshtakiwa aliyemuuwa waziri Tom Mboya kisha Morara akafariki ghafla katika ajali ya barabarani. Je, ilikuwa ajali ya kawaida au ni tukio lililopangwa? Miaka 51 baada ya kifo chake, mwanawe wa kike ameanza kutafuta ukweli kuhusu namna babake aliaga dunia akisema hatua hiyo itasaidia kumaliza makovu waliyonayo moyoni.