Oramizda oʻz biznesini boshlagan tajribali tadbirkorlar koʻp. Har birini faoliyatini boshlashida muvaffaqiyatga erishish sirlari bor.
Ushbu muvaffaqiyat sirlarini yaxshi o'zlashtirgan tadbirkor Ilyas Xurshit Buxoro tumanidagi “Buxara Varnet” xorijiy korxonasi ta’sischisi va bosh direktori. 2023-yilda "Do'stlik" ordeni bilan mukofotlangan. Zamonaviy texnologiyalarga asoslangan issiqxonalar qurish va qishloq xoʻjaligi mahsulotlarini yetishtirish faoliyati bilan shugʻullanadi.
Investor oʻz yoʻnalishiga koʻra dunyodagi 2-loyihani amalga oshirmoqda. Loyihaning umumiy qiymati 100 mln dollar boʻlib, bugungi kungacha 30 mln dollar xorijiy investitsiya kiritgan. Natijada 5 yil davomida zamonaviy issiqxonalar uchun nimaiki kerak boʻlsa, barchasi bir hududda tayyorlanadigan tizim - klasterga asos solindi.
Loyiha doirasida oʻquv markazi, koʻchatlarni yetishtirish va sifat koʻrsatkichlarini nazorat qiluvchi laboratoriyalar hamda issiqxonalar uchun konstruksiyalar ishlab chiqaruvchi korxona ishga tushirildi. Buxoro vohasidagi ilk Botanika bogʻi ham “Buxara Varnet” tomonidan amalga oshirilgan.
10 сен 2024
