*'TAHCHUAN A LENG' LO PIAN CHHUAH DAN :* - Joseph Zaia... Kum 1998 kum kha ka tan chuan kum duhawm tak a nihna lai a awm a, a chhan chu ka khawvel thlak danglam hlawk tur hla lo pian chhuahna bul a nih vang a ni. Teen-age ka la ni a mahse, nunkawng hrang hrang ka pal nasa em em tawh thung a. Councillor atang a hmeichhiat mipatna thlengin ka nun khan a pal tawh a, ka kum rualpuiah chuan nunkawng pal zau ber pawl ka ni thei hial mai awm asin mawle! Ka Nu hna avangin Lungsen (Lunglei District) khuaah kan pem phei ta rup mai a, chutah chuan High School pawh ka zawm nghe nghe a. Rawlthar harhvang ve tak ka ni bawk a, thian pawh pahnih pathum chu karlovah ka nei nghal mai reng a. Heta ka thiante hi vawin thleng mai hian ka la ngai em em hlawm nia mawle! Kan zinga pakhat chuan van kohna min chhan san tawh hial a, a awhawm tak zet a ni. LAL ISUA ke bulah a awm tawh dawn bik a ni. Kum 1998 kumtir lamah khan, school lama ka thianpa te inah chhunah kan chawl lut a, hemi tum hian ka thianpa u nen chuan kan in hmelhriat tan ta a. (A tawi zawngin sawi ta ila) Kan in hmelhriat atanga reiloteah kan in ngaizawng chho ta tlat mai; a tirah chuan kan serious lutuk hran law, mahse, inngaizawng ta náfam chu kan serious chho ta viau mai a ni. Kum lamah inthlau deuh mahila hmelah na nána chuan kei aiin a naupang zawk emaw tih mai tur khawpin a hmel a tha a ni. Puitling rilru ka put ve hnua ka ngaihzawng hmasa ber a ni bawk a, beisei aia thukin ka duh ta tlat mai a ni. Rawlthar in ti puitling tak si, naupanchhiatna la reh fel chiah silo kha ka la ni a, lak pawh ka la na a sin aw😄😄! Hun a kal zel a, Matric ka pass ta si a, loh theih lohvin Lungsen ka chhuahsan a tul ta; ka va han hreh tehlul😨😨!! Ka lo pass ta kher kher kha ka lawmlo lek lek hial a ni. Matric ka zir lai hian ka awmtha duh lo ve khawp mai a, selection test ka exam ngai lova kum thum ngawt ka zir phah nghe nghe a ni..tun hnu hian ka hun khawhral zozai kha ka ui leh hnuhnawh a sin aw🤪🤪!! 1999 ah chuan Kolasib lamah, St.Johns HSS-a lut turin Lungsen chu ka chhuahsan ta a. (A tawi zawng zelin sawi ta i la) In ngaiin in hmangaih em em mahila ka kal a tul ta si a, mualzapui danah mariak a lunglen tuar zir turin hmangaih mittui nen kan in vai liam ta a ni. Ka lung a leng hle dawn tih ka hria a mahse, khawvelah hian hmasawn tura nun ka sual a tul si a. Harsa ti tak chung pawhin nun hi ka sual ang a, ka hlawhtlinna chu kan pahnih atan a ni tih hre ranin ka in ti paukhauh tlat a mahse, a va harsa em ve aw😥😥!! Khang lai khan Mobile Phone a la awm lova, kan in biak pawhna tha ber chu BSNL landline kha a ni deuh tawp a. Chu pawh chu tlema awmthei deuh ten an nei a la ni chauhva, mipui nawlpui tan chuan lehkhathawn kha chanchin kan in hriat tawn theihna kawng awmchhun chu a ni tlawng mai a ni. Chuvangin, chanchin in hriat tawn tam a har ngang mai a. Keini lek phei chu hmar tawp leh chhim tawpah kan awm dun daih mai a, in biak pawh kha thil namai a ni hauh lo a ni. Kan tana buaithlak lehzual bik em emna chu, Kolasib leh lungsen inkara lehkhathawn keng tur puarak kan nei tlat lo mai kha a ni a. Post office kaltlang chuan a tih dan chu awm tho mahse, a thleng har thei lulai lutuk a thawn lohvah ka tlak leh nge nge thin a. Lungsen lamah chuan ka nu a la awm a, tin, ka bialnu te pawh khan Landline chu a kawl ngei a mahse, keiin ka kawl ve chuang si lova han tih vak ngaihna awm hek lo le, chanchin in hre pawh miah lovin kum khat chu kan awm ta phawt mai le. Lunglen pawh chu khawhar takin ka sepui ruah tuar ngawt ngawt ta mai a ni. (A tawi zawngin sawi ta i la) Chutia chanchin in hretawn miah lova rei tak kan awm chhung chuan, ka chanchin chu diklo takin a lo hre ta tlat mai a. Ka chungchang thu a sawi ka hriat hnuhnun ber chu "Joseph-a kha chu a awmna apianga tlei thei mi kha a ni a, tunah pawh hian ka laka a rilru put hmang pawh a danglam vek tawh ang ti ka ring a ni" tiin ka nu kiangah chuan a lo sawi a ni. Tchuan, ka kalbo san tak hnua a chanchin ka hriat leh hmasak ber chu "PASAL A NEI DAWN" tih a ni ta rep mai a ni. Ka chanchin hriat chuan min thawng takzet a, a mah hmuha thil awm dan zawt chianga sawipui turin tih ngaihna a awm bawk si lo. Ngawi rengin ka thu a, ka melh ngai ka melh tlawk tlawk mai a ni ber e. Meng zau kawk kawk chunga uluk tak thlir ngai thlir tlawk tlawk angin lang mah ila, ka enna lama thil awm te chu engmah ka hmu chuang hlei law!. Ka suangtuahna chuan kil hrang hrang a dap kual a, thinlung thianghlimlo leh ngaihtuahna tawp leh mak pui pui a lo thleng zut zut tawh mai a ni... Keimah chauh chuan rei ka tlin dawnlo tih ka chiang a ni. Lungsena ka awm laia ka thian kawmngaih em em, ka nun engkim min hriatpui tu ka thian tha tak bula ka awm a tul tih ka in hre thuai a. Tichuan Kolasib atang chuan a rang a rangin Aizawl panin ka tlan chhuak ta ngawt mai a ni. Bethlehem venga ka thianpa te inah chuan kar khat ngawt ka han cham chilh ta tawp mai a ni. Engkim min hriatpui tu a nih avangin, eng eng emaw kan sawi dun a chung te chuan tlem chuan min hnem ve deuh chuan ka hria. Tichuan, hun a liam zel a. Ka thinlung na pawh chu a reh chho viau tawh nia ka hriat laiin, zankhat chu thla a eng em em mai a. Lunglen a kaithova, tingtang nen thla eng chu ka lawm a ka zai vang vang a. Kumli lai liam tawhah chuan ka lunglenna chuan min hruai kir leh ta tlat mai a, a ngaite bawkin nunhlui chhuiin ka kur leh ta hliam hliam mai a ni. Ka lungleng lutuk chu kan inah pawh riak lovin ka thianpa te inah ka riak thla a, computer-ah Sentimental rock ka ngaithla a ka tui ta viau mai a. 'Ill be there for you' Bon Jovi chu ka ngaithla vang vang a. Ka ngaihtuahnaah chuan idea a lo lut ta thut mai a, ka lung a leng em mai a darkar khat chhungin a thluk leh a thu chu ka peih fel ta thlap a ni a tih theih ang. Ka mitthla chuan Lungsen katthler te, an in awmna leh kan len dun thinna te a thlir kir a. Aw chu khuaah chuan kal lehin, a kawthler te chu han fang leh thei ila ka va ti em...Chang khatna a lo chhuak ta. Ka awmna atanga hla takah chuan ka thinlung neitu chu a awm si a ni, chu khua liliaih chuan ka thinlung kehsawm dan tur takngial pawh min dawnpui lovin midang tangah chuan a bei a. Hlim takin heh vam hiam leh ha var nalh tak mai lang that chuan a nei var var awm sia!! Theih nise chu khuaah chuan va kal ila pasal a lo nei tawh a nih pawhin engatinge? Enge a chhan? Engvang nge? Tih te tal han zawt thei ila aw!! Min la pawm leh thei angem tia ngen hial ka va duh tak em...a thunawn a lo chhuak leh ta. Hlim leh in duh tawn em em a hun kan hman dun lai te, thian zahova a thingpui lum kan in zan te kha ka thlir kir zel a. Kumli vel lai liam tawh pawh nise, tuna thleng mek ang mai hian ka la chiang em em si a. Chanchin in hre tawn lovin kumli vel zet chu kan awm ta; engtin nge an awm ve ang le? Engtak chu ti ve hlawm tak ang maw? Min la hre chhuak ve thin tho angem le? Tih te chu ka ngaihtuahnaah a lo lut a.....chang hnihna chu a lo chhuak fel leh ta. Ka ngaihzawng ka chan nachhan chu khua hmunlo kan nih vang leh, in biakpawhna tha awmloh vang te chu a ni a. Chanchin in hre tawnin, in be pawp theilo mah ila, rinawm takin ka awm ve a sin le!! Ka rinawmna chu a thlawn zo ta a ni. Pasal neiin mi inah lawi tawh mahse, ka theihnghilh ngailo a ni tih leh, ka rinawm zia a hriat theih nan pang par tal hi han pe thei ila aw...chang thumna a lo chhuak leh ta a. Tichuan "TAHCHUAN A LENG" tih hla hi a lo chhuak ta a ni.
Hmeichhe over zia a lang,mi sawi dan leh a rin dan vang mai mai in midang a lo kawpsan ,A mipa zawk rinawm tak a a awm theih chuan lo rinawm ve mai awm.
Mahriakten runin ka bela Thinlai rukah a cham reng e Theih Chang se fan leh ka nuam thin Suihlung lawma a tualchai na Tahchuan a leng ka thinlai hnemtu Bahsam lengin a nui hiau ve Theih Chang se tawn leh zawng ka nuam ngei Suihlung rual puian ka sawm ngei ang Hmanah chuan suihlung Kan rual thin Hlim zai vawrin Len rual te nen Tunah zawng zamualpui an Liam ta Chhun ni engtin hmang ve ang maw Tuanna tlang te zawng dang mahse Nghilh ni reng hi a awm dawn lo Khiangawiin zamual chu Liam mahla Nghilh loh na par ka thiah nang che
Vawiin thlengin kala ngaithla, a phuah chhani hi rin awm vese tiang em em hringnun hre awm hi a tawng bik lo tur Joseph hi chu a lainat awm ngawih mai ani
80's leh 90's chho ho hian kan va ngai zual dawn che em..I taksa chu piallei dai ah zal mahse,I anka mawi leh I hlimthla te erawh in he zoram din chhung hian Liam zai leh chul zai a rel mawlh lawng e.
Hnam dang nula tlangval hi an lo ngai lo,Mizo te hi kan lo zai thiam ve tawk,,Uzaia trang hian a hriat,Zai mite u in lar duh tawk mai lo hian Han trang sauh suah teh u🌹
Fb a post he hla lo pian dan tih ka chhiar hnu lawk ah ka view leh nghal 😂😂😂 kei mah ang in lo awm ve chuan he comment hi in lo like ve hram2 dawn nia.
A first love ni bawk....He hla a phuah chhan ni bawk Apuii kha avan chhelo reuh tak a tleirawl lai leh nulat lai phei chuan a chhelo zual ngawt ang....U Zaia hi chu nulat/ tlangval hmangaihna lamah hian a vanduai thei lutuka ka khawngaih khawp mai..Mizo mipa zaithiam ah chuan ah ka duh ber mai...
2023 may thla lo herchhuak hian,kum 9 liamta sulhnu te kha rilru ah hian ala hlui thei mawlh lo chu a ni.Dam lo hauhzel ang che'.....C.Thuamluaia soi dan in."D-If you could see my heart,it is bleeding now..
Ka lung avan ti leng tak em, hemi cassette zong a ni eng emaw zat ka tihral hnu a, Aizawl a thian pa khat atanga ka dawn lai te hi ka hrecchuak vawng2 mai, Pu Joseph you will be missed but never forgotten 😢
He hla hi ka duh theih thin zia mawlh kha ...hei tun ah pawh pathling kum 40 pelh tawh ah pawh ka la duh reng nia.A phuah chhan a sawi ,Bonjovi hla - 'I 'll be there for you' tih hla thluk atanga a phuah thu leh Lungsen nula a phuah chhan thu a han sawi leh zel hian, he hla hi ka duh a zual tulh tulh mai...A chhan chu Lungsenah hian Naupan lai in kan lo awm ve hrep tawh a, Josepha sawi hun lai vel hi ka awm hun lai ve tho a nia...
Ka mi ngaihsa ka mi ngaihnat ka van ui Tak che em...😭😭 He khawvelah hian awm tawh lo mah la... I hla hi chu eng tikah mah a boral ve lo ang a la nalh tulh² zawk
He hla lar lai khan kum 9 mi vel ka ni ta in ka hria ka lo tuipui ve thin khawp a sin 😂😂😂 upa pawh ka la in ti miah lo kei chuan 🤣🤣🤣 tlangval diktak ka in ti tan chauh a ni.
He hla hi Josepha Lungsen a awm laia, a bialnu Apui tan a phuah a nia, Josepha hi Zirna a vangin Kolasib ah a awm daih a, tunlai ang in in biak pawhna a tha silo a, Kum khat dawn chanchin inhre lovin Rinawm takin a nghak a, A hmeichhia hian val dang tawnah khiang a lo awih san ta a ni.
He hla ngei mai hi khawvel hla awm tawh zinga ka play nasat ber ani angem le... He hla a lar tan tirh in Lunglei ka awm lai ani... He hla kan ngaithla nasa thei asin...Aizawl awm a tul tawh si...lunglei ka ngai thei em em a, he hla vek hi ka ngaithla chhunzawm ta zel a, ka duh telh telh a, tichuan tun thleng hian Joseph a hla hi thiam loh pawh ka nei lo.... Love song hi sual ani lem lo a, nimahse la a tlangpuiin kohhran a in hman nasat chuan Pathian hla chu kan ngaithla hnem em em zawk, chuti chung chung love song ka ngaihthlak khat tawh hnuah pawh lunglen chang a lo awm chuan Joseph a hla ho bawk a ka kir leh thin.... He khawvel ah a zai ka hmu leh tawh lo tur hian min ti hrilh hai... Zahna chibai ka buk a che... RIP
A sam siam dan chu dah tha ang...t-shirt ban tlawn..um kekawr puk lian hluai te pawh ahunlai chuan a mawi e...chutah a ban vai dan leh chet phung te...ava lunglenthlak em... Heti hian aw,Joseph zaihmingthanga a ni a,a style,skylink a la ni zui...sulhnu kan chhui vawng vang mai lawm le..ni 29/4/2021
he hla hi ka duh theih thin zia mawlh kha ...hei tun ah pawh ka la duh reng , a phuah chhan a sawi a Bonjovi hla - I 'll be there for you hla thluk atanga a phuah tu leh Lungsen nula a phuah chhan thu a han sawi a...ka duh a zual tulh tulh mai...
He hla ngei mai hi mawle kan naupan laia kan chai pui ve thin chu..lung a va ti leng vawng vawng em mitthla ah pan lai nun a lang zut mai..a satu pa ber lah chu a liam vung2 tawh mai si a
