Pathian nih a Bia Bible a kan pek caah thih hnu thengtheng in fian ding mi a si lo. Tahchunhnak ah khamhnak kong a si zongah kan nun lio in kan i fian a herh cang. Van a kaimi vialte hi an nun lio ah khamh aa fiang lawng te an si. Pathian velngeihnak hi kan nun chung ca lawng ah a si. Kan thih hnu ahcun vel a ngeihmi vialte kha van ah, khamhnak a co lomi vialte Hell ah kal a si ko. Bible kan ngeih caah thih hnu tiang kan hngah ahcun kan tlai sual lai.
A rianttuannak lawng hmuh khawh a si. Khuachia cu minung mui zong in a lang ko lai, dawh te zong in a lang ko lai. Khuachia cu thlarau an ngeih ve caah thil ti khawhnak an ngei ve.
Jesuh bantuk kan si lai ti cu Jesuh a thawhtthannak tu kha a chim duhmi a si. A thawhtthan bantukin kan thih hnu ah kan tho ve lai tinak a si. Jesuh a thawh hnu in zultu sinah rawl a ei. Voi tampi a langhnak kan hmuh. Kannih cu Jesuh kan si lo caah, kan rian aa khat lo. Kannih cu khamhmi kan si i, a nih khamhtu a si. Sertu zong a si. Kan thih hnu ah vawlei ah kan Thlarau vah tak a herh tilo, JKannih cu a khamhmi tu kan si. Cucaah Jesuh BANTUKIN kan tho tthan lai a tinak hi a si.
Aw a si maw, saya Hre Kio hi Laimi nih upatmi a si ko. Amah belte saya Hre Kio cu khamhnak zong a tlau a timi a si caah Bible an zumh ning hrampi hrimhrim aa dang cu. Cucaah an chimmi hi aa khah awk a ttha hrimhrim lo.
Zumlotu hi Hell ah an kalnak cu an zumh lo ruangah khan a si. Sual an tuah fatin le nawl an buar fatin Hell ah an kal ko nain Hell ah an kal ti kha tial le nolh peng a hau lo. Fian khawh awk a ttha ko. Sual a tuahmi hi misual fa kan si caah Hell ah kan kal ko. Biakamhlun le biakamthar ah hin velngeih mi lawng nih khamhnak kan co khawh. Velngeihmi tu hi kan sual kho ko, kan sual man tu vawlei ah kan zun dih ve. Khamhnak hi kan tuahnak aa tello, vel in a si dih.
Jesu Vawlei ah a ra i athi lio ah Noah Chan lio Mithi hna Thlarau hna sin ah phung a chim(1Peter3:19).ah fiang tein kan hmuh khawh,Mah caah Minung kan thi lio ah Hell ah an kal cawlh rih lo tihi a fiangter