#TalkFood 

而家係萬寧 & 3ChemBio官網及門市購買「Bifina S 美菲娜晶球益生菌」，仲有限時優惠 ！
優惠價: $249 /盒(原價:$299)
額外買4送1！平均:$199.2 / 盒
✨優惠期:7Jul - 20Jul✨
立即購買：
bit.ly/44xRn4C
bit.ly/44wXar6
指定萬寧分店更可享買8送2， 額外更加送Return Optima NMN18000特別版 15粒裝（價值$672/盒）。
指定萬寧（推廣員）分店: bit.ly/3CZNg5h
如果大家有興趣嘅話就可以去佢哋嘅官網或者門市度購買啦！！
第一次嚟到南區鴨脷洲，估唔到呢度地方雖小但五臟俱全，唔單止被海包圍，遇到嘅街坊全部都好友善！嚟咗大半日已經對鴨脷洲好感度大增！
第一間嚟到南區獨有嘅流記艇仔粉，提提大家：流記只開星期六日，嚟之前打電話俾流叔，問吓佢位置喺邊，千祈唔好摸門釘啊。一般嚟講，佢通常喺海傍道海濱公園出現。流叔好好人，俾我上船影幾張相，仲幫我調整泊船嘅位置，等我哋容易上船（2行眼淚在心裏流TvT，好感激流叔！）$33一碗雜錦瀨粉，加錢一份轉雞髀，一份轉鴨髀，雜錦瀨粉本身配料多，有叉燒、魚蛋、鴨肉同雞肉，味道同出面食嘅真係零差別！大地魚湯底係流叔自己煮嘅，配埋滑溜嘅瀨粉，呢個價錢食到「真」艇仔粉，我覺得係物超所值！呢種風味絕對喺其他地方食唔到！
第二間陳新記，位於鴨利洲市政大廈入面，嚟到必食一口西多士同招牌炸三寶。一口西多士真係無敵好食！多士底保留到焦脆嘅感覺，配埋邪惡嘅花生醬同煉奶、糖漿，肥10磅都要食晒佢！呢度嘅西多士有好多小心思，落雨天會插住把遮仔，變成雨天限定版本，好得意呀！招牌炸三寶係魚皮、雲吞同魚角，炸雲吞最出色！雲吞皮香口酥脆，唔會有油膩感，見到入面仲有鮮蝦肉㗎，足料好食！
第三間食記餐廳，係好多鴨脷洲街坊由細食到大，呢度最出名係佢哋嘅兩溝魚肉翅，魚肉好大條，入口結實唔腥，不過碗仔翅杰身到好似啫喱咁，我自己食唔慣@@食記仲會有煎腸粉同炸魚蛋等小食，味道正常，價錢相宜，不停有街坊過嚟幫襯。
第四間周家園涼茶鋪好出名，好多年前有名人嚟剪綵咁誇張。呢度嘅涼茶出色，茶葉蛋都好經典，聲稱試過一世難忘！茶葉蛋非常入味，一入口，雞蛋已經自動「四分五裂」，味道唔鹹剛剛好～當日仲好好彩，食到星期六日供應嘅鮮奶燉蛋白，真係好嫩滑，滿嘴奶香，食唔停啊～
最後一間蘇記咖啡，午餐時間一定大排長龍，呢度有一款中西合璧嘅芝士白汁撈伊麵配火腿、蟹柳同煎蛋，個人覺得幾特別！伊麵每條都掛滿芝士白汁，撈勻啲蛋汁一齊食，幾過癮嘅！
大家平時去鴨脷洲仲有咩心水推介？歡迎留言話我聽^^
流記香港仔艇仔粉
地址：香港仔海傍道香港仔海濱公園
雜錦瀨粉 $33 （雞髀+$20）
雜錦瀨粉 $33 （鴨髀+$20）
陳新記
地址：鴨利洲大街鴨利洲市政大廈1樓
招牌秘製一口西多士 $35
招牌炸三寶（魚皮、雲吞、魚角）$65
食記餐廳
地址：鴨脷洲大街42號鋪
魚肉翅 $23
炸魚蛋 $10/10粒
煎腸粉 $16/4條
周家園涼茶鋪
地址：鴨脷洲大街52號地下
茶葉蛋 $16/3隻
鮮奶燉蛋白 $15 （星期六日先有）
雞骨草 $16/碗
蘇記咖啡
地址：鴨脷洲洪聖街 16 號地下
芝士白汁撈伊麵配火腿、蟹柳、煎蛋 $53
主持、撰文：Yvonne Lam
攝影、剪接：Doris Wong
美術：Anita Lam
TalkFood 先填飽肚子再前進
RU-vid : / talkfood
Facebook : / talkfood
Instagram : / talkfood
#艇仔粉 #流記 #流記香港仔艇仔粉 #流叔 #雜錦瀨粉 #雞髀 #鴨髀 #食記餐廳 #魚肉翅 #炸魚蛋 #煎腸粉 #鴨脷洲大街 #周家園涼茶鋪 #茶葉蛋 #雞骨草 #涼茶 #鮮奶燉蛋白 #陳新記 #招牌秘製一口西多士 #西多士 #招牌炸三寶 #炸魚皮 #炸雲吞 #炸魚角 #奶茶紅豆冰 #蘇記咖啡 #鴨脷洲 #鴨脷洲美食 #街坊小店 #食晏 #外賣 #下午茶 #早餐 #掃街 #18區搵食 #TalkFood鴨脷洲 #森下仁丹 #BifinaS #益生菌 #定時暢便 #免疫抗敏 #日本銷量第一 #萬寧 #3ChemBio #限時優惠
延伸閱讀：
【#18區搵食-沿海18號巴士路線出發西營盤搵食 尖叫10秒超近無敵海景！】
• #TalkFood【#18區搵食-沿海18號...
【#18區搵食-上水是個好地方！媲美澳牛光速鮮牛肉通+全港最好味冰柱紅豆冰＋關注組力推好好味流心班尼迪蛋】
• #TalkFood【#18區搵食-上水是個好...