Varena ima Tangkhulli leikashi malangluimana. Ithumwui ramsom, kaphung kapha ,kongrei kongra kayakha matha leishida semihai????
Zingkum atam atam wui lungli zingkumvana leishiri laa ungkhayai!!! Ining ngahui leishi kachang Tangkhul ngalei. Kha hiyakha mathada leishida semikahai Tangkhul ajava kali vahao nawui khamatha????? Yur khangatei bingna kahao kasa chi ara I ,na Tangkhulnaona dala mahangkhaleng atam rahaira. Kayakha khanang? Kayakha ningchot??
Laa hi 1986 wui Mayokachang atamli kakapna.
1. Tangkhul ramyoram ngashanda mapen,
Zingkum atamwui vanaokhon mavat !
Zur kan mateila wonyur peida won!
Hi nawui Tangkhul sokhami ramna.
Reisangchonme na sokhami ramna.
Nawui ngaleili I pharakasang,
Iwui khamahai Iwui ringkapha!
Hili pharada hili thisangra.
2. Raphei ,khaoruiram, kharao, kamola
Kathur yang hila ima Tangkhulser.
Nawui ngaleili ina yaokazat,
Leishi ningshokmei wung Tangkhul ngalei.
3. Ayesho ngara pangthemna themei!
Makhavat chonyur aphor peida rak!
Malung kapinga raithan yarkhoka,
Tangkhul ngaleili khavat khileidoh??
4. Chirchomri haimi na ura mangda
Makhavat nawui makrei chum pemtha!
Makhavat thingthei ayur peidami!
Thoting Chirchomri Wung Tangkhul ngalei.
8 сен 2024
