يا بشمهندس انا دلوقتي في تانيه ثانوي وبحب البرمجه جدا جدا واتعلمت لغه دارت وقبلها كنت دخلت في كورس cs50 بس وقفت عشان المدرسه شويه وهرجع اكمل بس انا في اسئله كتير ملقتلهاش اجابه هما اللي بيعملوا سيستم الشركات دول وسيستم المحلات و frameworks والتقنيات الجديده عايز اعرف ازاي بيعملوها وبيتعلموا ايه عشان يعملوها ولغات البرمجه نفسها لو عايز اعمل لغه او اطور في لغه معينه و ازاي المكتبات بتاعه اللغات بتتعمل حاجات كتير اوي نفسي الاقيلها اجابه ومش لاقي
بص هو اللي انت هتتعلمه كframeworks في الweb مثلا بيستخدم الreact او angular في معظم الشركات...ولذلك لازم تبقى مذاكرهم كويس وفاهمهم كويس...ولكن قبل كل ده لو انت بتذاكر جديد وداخل المجال من الاول لازم تتأسس الاول في أساسيات علوم الحاسب.... - مبادئ البرمجة - قواعد البيانات - الشبكات والDomain والDNS - Design Patters & System Design وهكذا... دول الاول قبل اي حاجة... واحنا بنذاكرهم هتفضل التساؤلات تتضح واحدة واحدة ... وخد بالك بتاخد وقت عشان تبقى متقن للحجات ...
ايوة جاي باذن الله ... بس التحضير لها بيكون صعب شوية عشان الفيديو يبقى تفصيلي وفيه كل المعلومات ... باذن الله من الاسبوع القادم هتبدأ تنزل الفيديوهات عن الJS
ااه طبعا...مهارة مهمة جدا...انا عايز اتكلم عليها بالتفصيل لوحدها...تقريبا اكتر مهارة حسنت انتاجيتي جدا في البرمجة..بس طبعا عانيت بشكل كبير في الاول عشان اعرف اتقنها. 🌟👏🚀
انا اخويا لسة متخرج من هندسة كمبيوتر الاكاديمية العربية و طبعا بياخد كورسات كتير بس اغلب الشركات طلبين سنيور فممكن ترشحلى شركات اللى بيقبلوا جونيور علشان هو مضغوط جدا
هي مش بتبقى شركات بتقبل جونير وشركات تانية بتقبل سينوير... هي الفكرة انه ممكن يقدم عادي لو طالبين حد عنده خبرة سنة او سنتين حتى لو مش عنده عدد السنين ده...بس هو يكون مذاكر كويس ومأسس نفسه صح...ويعمل كمان مشاريع تجريبية كتيرة بايده عشان لما يتسأل في الانترفيو يقدر يجاوب بطريقة عملية ايضا مش شرط يدخل تعيين وظيفة على طول...ممكن يقدم في الشركات اللي بتطلب متدربين الاول...ويبحث في الشركات الصغيرة لانها بتكون بتدور على حد لسة متخرج عشان يديليه مرتب بسعر معقول للشركة.
والله الكلام والحكم العام يكون دايما غير دقيق... لكن ممكن انصحك ان اليوم المحتوى الاونلاين كافي جدا للتعلم ولا تحتاج الى مركز.... وحتى لو عايز تسأل فيه ناس بتوفر انها تدخل معاك على Zoom اونلاين بمقابل وتبقى Mentor وما الى ذلك. وطبعا ابدأ الاول بالتىكيز على تحديد هدف من التعلم واي تخصص حابب تشتغل فيه بانك تسأل الاول عن التخصصات وتعرف ايه المناسب ليك.