Nyob zoo hlob Lis Nom Txais, Nws yuav tsis yog tag rau koj tiam tub tiam tej me xeeb ntxwv tiam thiab tiam txuas mus. Koj yeej tau hais txog ntawv cov hluas nkauj xeem Vwj nyob koj cov suab lus youtube dhau los lawm. Kuv yuav nug koj tias puas muaj txoj kev twg los daws tau ntawm txoj kev sib yuav xeem Vwj. Leej twg yuav ces yuav ua neej nyuaj no vim lus foom tseg thaum ub lawm. Li koj cov lus Hmoob yuav tau kho Hmoob kom huaj vam tom ntej. Yog txhua tiam Hmoob cov xeem pheej cais thiab ntshai yuav xeem no. Hmoob yuav ua cas ua tau ib tso Hmoob ruaj kho? Ib qho ntxiv. Hais txog qhov kom Hmoob tig rov los ua ib haiv Hmoob sib hlub sib pab. Yeej yog txoj kev ntseeg li koj hais. Yeej pom tias koj hnub nyoog laus lawm. Ua cas koj tsis nrhiav txoj kev nrog rau Hmoob nyob Meskas cov 18 xeem sib tham kom tsab tau ib lub tsev teeb haum los lub koom haum li hauv Vib Nais los coj Hmoob. Sawv daws yeej nyob sib nrug los qhov twg muaj Hmoob coob ces kom los tsa tau ib lub chaw los ib lub tuam tsev tuaj koom ua ke rub sawv daws los ua ib pab Hmoob qhia Hmoob li txuj li ci thiab. Kuv xav thov koj teb kuv cov lus no li tseeb li siab dawb paug tsis muaj zais tsis muaj npog rau sawv daws. Thaum nej tseem hais taus qhia tau cej yeej meem nrhiav lub sij hawm los ua los ntuas los qhuab. Hnub twg dhau nej lawm ces Hmoob yim poob yim ploj zuj zus xwb. Lus zoo lus phem tus yuav khaws tau thiab ua tau nyob ntawm tus neeg xwb. Yuam ua tau tsis cuag tus muaj siab tiag ua tiag. Tub Hmoob xeem Vaj