هههههههه ماتشوف كيف أنظف الأقفاص ليفة وكلور وسائل جلي بعدها بنشف المي بقماشة كرمال مايبقى ولا نقطة بعدين بحطن بالشمس منو بيتعقمو 😅ومن مابيبقى رطوبة بعدين برش على القاعدة مسحوق تعفيري اسمو سيفتي بلس مبيد حشري يقضي على الحشرات الزاحفة وهو آمن على للطيور عبارة عن بودرة بيضا مابتخلي ولا حشرة تجي وبعدا بجيب الدرج الأبيض البلاستيك بحط ورقة عليه 😂كرمال اذا عمل نونو 😅🙊بشيلا وبحط وحدة غيرها وهيك بيبقى الدرج نظيف ..انا بغير الورقة الصبح وقبل النوم وبعد ماحط الدرج منجي للقاعدة الحديد يلي فوق بعد ماركبها ببخ بالزوايا .. بخاخ سينا مكتين هاد مخصص للحيوانات من طيور وحمام و الببغاوات والقطط والكلاب وهو لجميع انواع الطفيليات فسفس قراد قمل والفاش وبخ فقط في الزوايا بحكم انو الحشرات او الفاش اكتر شي ممكن يكون في الزوايا وطبعا على البلابل ماببخ لانهم نظافة فل كل يوم بيتحممو مرتين صبح وقبل المغرب وبالمي أحيانا بحط خل كتير مفيد وبعقمن حتى اذا شربو منو مفيد للجهاز الهضمي هنن كم نقطة وشوف السحر المجسم يلي بيوقف عليه البلبل كل ماشوفو متوسخ بشيله وبحط غيرو اساسا جايبتلن كوشة منن المشربية كل يوم بتتغير مرتين صبح ومسا وطبعا مع التنظيف كرمال مايتكون بكتيريا عودتن على كل انواع المآكل بأي حجم وكل الالوان مرة بحطلن❤ومرة💜ومرة💚😅كرمال مايستغربو و كل كم يوم كنت بنقل الأكل لمأكلية نظيفة إن شاء الله تكون استفدت من معلوماتي المتواضعة😂 واذا عجبك الكلام 👍لايك وشير ليوصلك كلشي جدبد😁 وماعندي مشكلة فيك تعملو فيديو😂
