ఆసక్తి.. ఆలోచన.. ఆచరణలో పెట్టే తత్వం. వీటికి తోడు.. ఇంటి డాబాపై స్థలం ఉంటే చాలు. తాజా కూరగాయలు, ఆకు కూరలు, పండ్లు పండించగలం. స్వచ్ఛమైన ఆహారం పొందడంతో పాటు మిద్దెతోటలను రేపటితరానికి నేస్తం చేయగలం. ఇందుకు ప్రత్యక్ష ఉదాహరణ ఈమని వెంకటకృష్ణ. హైదరాబాద్ మెహదీపట్నం నివాసి అయిన వెంకటకృష్ణ. ఐఐఎంలో ఎంబీఏ చదివి , బహుళజాతి సంస్థలో ఉద్యోగం చేస్తున్నారు. తల్లిదండ్రుల ద్వారా చిన్నతనంలో మొక్కలపై ఏర్పడిన ప్రేమే.. ఇప్పుడు విజయవంతంగా మిద్దెతోటలు సాగు చేసేందుకు తోడ్పడుతోందని చెబుతున్నారు. ఒకే డ్రమ్ములో త్రి లేయర్ విధానంలో పలు రకాల కూరగాయలు, ఆకు కూరలు, పూల మొక్కలు పెంచుతున్న విధానం ఆకట్టుకుంటోంది.
కూరగాయలు, ఆకుకూరలతో పాటు పండ్లు, పూల కోసం ప్రత్యేకంగా గార్డెన్ లను తీర్చిదిద్దారు వెంకటకృష్ణ. సరైన ప్రణాళిక, అవగాహనకు శ్రమని తోడు చేస్తే మిద్దెతోటలను విజయవంతంగా సాగు చేయవచ్చని వివరిస్తున్నారు. మిద్దెతోటలు, కిచెన్ - బాల్కనీ గార్డెనింగ్ పై ఇటీవల నగరవాసుల్లో అవగహన పెరుగుతోంది. దాని ఫలితంగానే టెర్రస్ గార్డెన్ లను సాగు చేసే వారి సంఖ్య విస్తృతమవుతోంది. వెంకటకృష్ణ వంటి వారి కృషి మరింత మందికి మిద్దెతోటల సాగుకి స్ఫూర్తిగా నిలవాలని రైతునేస్తం ఫౌండేషన్ అభిలషిస్తోంది.
-----------------------------------------------------------------------------------------------------------
Hyderabad Mehdipatnam Resident Eemani Venkata Krishna have been successfully growing terrace garden Since 10 years. He and his family growing differnt types of vegetables, leafy vegetables, fruits and flowers on roof. Venkata Krishna Using Three Layer Method for Most Crops and getting Better Production in less Space. He has been using only organic compost as fertilizer fot the crops.
22 июл 2018