Unda bevosita tuman hokimi Hamidullo Inomov, viloyat Sog‘liqni saqlash boshqarmasi boshlig‘ining birinchi o‘rinbosari A’zamjon Abdurazzakov va bir qator mutasaddilar hamda keng jamoatchilik vakillari ishtirok etishdi.
Xalqimizning sog‘ligini yaxshilash, ularga sifatli tibbiy xizmat ko‘rsatish, tibbiyot muassasalarining moddiy-texnik bazasini mustahkamlash va birlamchi tibbiy xizmat ko‘rsatish muassasalarining faoliyatini tubdan takomillashtirish yangi bosqichga ko‘tarilmoqda.
Yurtimizda inson qadrini ulug‘lash bo‘yicha amalga oshirilayotgan ishlar natijasida Yangi O‘zbekiston massivi hududidagi 104-sonli Oilaviy Poliklinikaning 50 qatnovga ega imoratini barpo etish uchun 3 mlrd. 56 mln so‘m miqdorida mablag‘lar ajratilib, qurilish ishlari sifatli yakuniga yetkazildi. Albatta, bu yangi obyektning foydalanishga topshirilishi xalqimizga birlamchi tibbiy xizmatni yanada yaxshilashda ahamiyat kasb etib, uzoq yillar davomida xalqimizga xizmat qilishi aniq.
Yangi binoda, 23 turdagi umumiy va 15 turdagi labaratoriya tekshiruvlarini tuman markaziga bormay turib o‘tkazish amaliyoti yo‘lga qo‘yildi. Shuningdek aholi uchun 79 turdagi bepul dori vositalari bilan ta’minlandi.
11 сен 2024