GEEN kind is veronderstel om voor sy of haar ouer te sterf nie.
Wat dit nog soveel erger kan maak, is as dié kind sinneloos vermoor is vir iets soos ’n selfoon.
Shehaam Pelton (41) van Delft is in stukke nadat haar geliefde seun Imraan Abderouf (18) Donderdag doodgesteek is.
Die gespuis wat hom vermoor het, was agter sy foon en power bank aan.
Pelton is teen die planke en sê sy weet nie hoe om verder ’n lewe aan te pak met twee pleks van die drie kinders wat sy gehad het nie.
Die gebroke ma sê sy probeer haar bes om sterk te wees vir haar dogter (6) en seun (11), maar dat onverwagte ineenstortings haar in ’n hoekie van emosionele eensaamheid druk.
6 ноя 2021
