Əvvəlcə 2008-də yazılmış Şura qulaq asdım, çox gözəl idi, sonra Segahı tapdım, Segah da virtuoz ifa oldu. Gənc yaşında Şuru belə ifa edən, aydın məsələdir ki, yüksək sənətkarlığa malik bir musiqiçi olmalı idi və olmuşdur da! Allah Xoşbəxt eləsin. Çox sağ ol.
Musiqiçi deyiləm. Amma bu gənc tarın simlərində yox, ürəyimin tellərində çaldı elə bil... Alıb-apardı bu dünyadan... Kövrəltdi... Ruhuna, ürəyinə, əllərinə sağlıq!
Taleyin qisməti rast saldı bizi. Yolumuz hardasa qırılacaqsa, İtirəcəyiksə bir-birimizi, Xatirəm yadında qalmayacaqsa. Bu əllər mənimki olmayacaqsa, Bu tellər mənimki olmayacaqsa Sən allah, özünə öyrətmə məni, Hicran qoxusuyla göynətmə məni... Əlimi saçına öyrətmə belə, Gözümü gözünə öyrətmə belə; Üzümü üzünə öyrətmə belə... Mən bir az baharlı budaq kimiyəm, Bir az da sadəlövh uşaq kimiyəm. Bala anasına qovuşan kimi, Leylək yuvasına qovuşan kimi, Arı gül-çiçəyə uyuşan kimi, Eh, mən də adama tez yovuşanam, Sevgi atəşində tez alışanam, Amma ki, sönməyim çox çətin olur - Sevgidən dönməyim çox çətin olur, Öyrətmə özünə, öyrətmə məni. Bəlkə gözləmirdik bu xoş görüşü, Yaman qəribədir dünyanın işi; Heç vaxt yollarında dayanmadığın, Heç həndəvərində dolanmadığın Gəlib birdən sənə nə şirin olur! Ömrünün içində ömür doğulur. Bu şirinim acı olacaq isə, Bir qismət çiçəyim solacaq isə, Öyrətmə özünə, öyrətmə məni. Könlümdə yerin var, qopmaz yerindən, Bir əkiz ləçəyi, haça budağı Ayırmaq olmursa biri-birindən, Məni də ayırmaq çətindir axı. Öyrətmə özünə, öyrətmə məni; Yox buna təqatim, yox buna tabım Əlimi əlindən üzmək əzabım, Sonra bu əzaba dözmək əzabım… Yoxsa da, könlümün sınıqları var, Hicranın köz basmış yanıqları var - Mənim dərdlərimin ayaqları var - Harda olsa gəlib tapacaq məni, Yaxıb yandıracaq bu ocaq məni. Gəl məni özünə öyrətmə belə, Əlimi əlinə öyrətmə belə, Gözümü gözünə öyrətmə belə…
Heyif bu cur ifalar 18 min dinlenir. 3 il evvel paylasilib hemde. Tik tokda lazimsiz seyler miliyonlar beyenilir. Bu bizim kecmidimizdi. Tar bizim ozumuzdu. Heyif genclerden heyif. Mende gencem ama ustunluyu hemise bele senetlere vermisem. Senetden basi cixan 18 min adam var yeni Azerbaycanda. Heyif
Sən gizli gəlmisən ömrümə, inan Bu gizli eşq ilə yaşayacağam. Dünyanın ən böyük yükü sayılan, Gecikmiş məhəbbət daşıyacağam. Sən mənim ömrümdə açan çiçəksən Onu ürəyimdə bəsləyəcəyəm Sən məni heç zaman görməyəcəksən, Mən səni hər zaman gözləyəcəyəm. Uzaqdan göz qoyub gözünə sənin, Sanki görəcəyam Allahımı mən. Düşüb qarış-qarış izinə sənin Əzbərləyəcəyəm yollarını mən. Səni zərrə-zərrə kəşf edəcəyəm Səni milyon kərə kəşf edəcəyəm Ərini, oğlunu öyrənəcəyəm, Rəngini, qoxunu öyrənəcəyəm. Hər günü adınla başlayacağam, Hər günü adınla bitirəcəyəm. Səni röyalarda axtaracağam Səni xəyallarda itirəcəyəm. Sən məni heç zaman duymayacaqsan Mən bütün ömrünü izləyəcəyəm. Sən mənə məhəl də qoymayacaqsan, Mən səni həmişə səsləyəcəyəm. Hər gün mənim üçün doğulacaqsan... Hər gün mənim üçün yox olacaqsan. Mənim sevincim də sən olacaqsan, Mənim kədərim də sən olacaqsan. Mən sənin adına hər saat, hər an Qəlbimdə məktublar yollayacağam. Sən heç vaxt fikrimdən çıxmayacaqsan Mən heç vaxt yadında qalmayacağam. Beləcə...həsrətlə qocalacağam, Belə enəcəyəm, ucalacağam. Keçib hər alovdan, keçib hər oddan, Böyük əzabımdan şad olacağam. Sən mənə həyatda ən doğma adam Mən sənə yaddan da yad olacağam. Sən ömr edəcəksən ayrı adamla Mən kiməm, nəçiyəm bilməyəcəksən. Bir gün bu dünyadan sənin adınla Köçüb gedəcəyəm, bilməyəcəksən..