Мирзиёев ҳукумати Толибон назорати остидаги Кобул билан “дўстона қўшничлик алоқаларини” ривожлантиришга уринаркан, Толиблардан қочиб Ўзбекистонга борган ёки йўл қидираётган афғонистонликлар борасида сукут сақламоқда.
Хусусан, Афғонистон шимолидаги ўзбеклар ва бошқа миллат вакилларига ёрдам кампаниясини бошлаган ўзбекистонлик фаоллар, Термиз ва Тошкент шаҳрида ўнлаб афғонистонлик оила йиғилганини айтмоқда.
Бу афғонларнинг қарийб ҳаммаси чегарани қонуний кесиб ўтган - Ўзбекистон визаси билан кириб келган. Аммо, виза муддати тугагач, уларни нима кутаётгани ҳануз номаълум.
Узоқ йиллар давомда, Мозори Шарифдаги “Ойина” телевидениесида ишлаган, ББС ва бошқа халқаро ахборот воситалари билан ҳамкорлик қилган журналист, 36 яшар Ҳабиб Қуёш улардан биридир.
Бу журналист айни пайтда, 2015 йилдан 2021 йилнинг 14 августи - Афғонистон Толибон қўлига ўтгунича афғон ўзбеклари лидери, маршал Абдурашид Дўстумнинг матбуот котиби бўлган.
***
Mirziyoyev hukumati Tolibon nazorati ostidagi Kobul bilan “do‘stona qo‘shnichlik aloqalarini” rivojlantirishga urinarkan, Toliblardan qochib O‘zbekistonga borgan yoki yo‘l qidirayotgan afg‘onistonliklar borasida sukut saqlamoqda.
Xususan, Afg‘oniston shimolidagi o‘zbeklar va boshqa millat vakillariga yordam kampaniyasini boshlagan o‘zbekistonlik faollar, Termiz va Toshkent shahrida o‘nlab afg‘onistonlik oila yig‘ilganini aytmoqda.
Bu afg‘onlarning qariyb hammasi chegarani qonuniy kesib o‘tgan - O‘zbekiston vizasi bilan kirib kelgan. Ammo, viza muddati tugagach, ularni nima kutayotgani hanuz noma’lum.
Uzoq yillar davomda, Mozori Sharifdagi “Oyina” televideniesida ishlagan, BBS va boshqa xalqaro axborot vositalari bilan hamkorlik qilgan jurnalist, 36 yashar Habib Quyosh ulardan biridir.
Bu jurnalist ayni paytda, 2015 yildan 2021 yilning 14 avgusti - Afg‘oniston Tolibon qo‘liga o‘tgunicha afg‘on o‘zbeklari lideri, marshal Abdurashid Do‘stumning matbuot kotibi bo‘lgan.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#Ozodlik #Afghanistan #Uzbekistan
28 сен 2024
