Shqipëria zë një vend të vogël në hartë, por kjo nuk i ka ndalur fermerët shqiptarë të jenë prodhues të mëdhenj të domates në rang global.
Programi Botëror i Ushqimit në Kombet e Bashkuara (FAO), përllogariti se, vlera vjetore e prodhimit të domates në Shqipëri ishte 144 milionë euro në vitin pandemik 2020.
Në rreth 135 vende që janë më popullore në kultivimin e domates Shqipëria zuri vendin 52-të në botë, duke lënë pas vetës shtete si Serbia, Bullgaria, Kanadaja, dhe Zvicra.
Sipërfaqja e kultivuar me domate sidomos në sera është rritur dukshëm në dekadën e fundit, kryesisht e nxitur nga kërkesa për eksport. Sipas fermeri nga Mnaza e Durrësit, Luan Hasa, është cilësia e domates, ajo që e tërheq prodhimin e bujkut shqiptare drejt vendeve të BE.
“Ja shikoni cilësinë e vërtetë të domates shqiptare, cilësi e jashtëzakonshme, prandaj pëlqehet edhe nëpër botë kjo”- shprehet fermeri.
Luani e quan vetëm një fermer të vogël pasi sipërfaqja e tokës së mbjellë nuk i zë as tre dynym, por kultivimi I domates në sera Luanit i jep avantazhin që brenda një viti kalendarik të prodhojë dy herë.
“Me domate kam dy dynym e gjysmë edhe gjatë gjithë vitet këtu prodhoj për dy sezone 400 kuintal domate. Si varietet kjo quhet punk rrok, ky është varietet i mirë është i fuqishëm,ka shije si domate”- thotë fermeri.
Për Luanin ky vit ka qenë I mbarë në prodhim dhe tregti.
“Kemi tregun agro-ushqimore atje e shesim atje e çojmë. E marrim mallin e vjelim dhe nisi për në treg pas orës 12:00, dhe kthehemi në orën 04:00 pasi biem dhe dakord për çmimin me tregtarët. Po çmimi mirë është 100 lekë të reja për kilogram, dhe dora e parë ka pas çmimi të mire”- tregon ai.
Për të rritur domaten me shije sipas Luanit nuk është meritë vetëm e fermerëve, kushtet e favorshme klimaterike bëjnë që në tokën shqiptare të prodhohen produkte bujqësore që i kërkon Europa.
” Po domatja shqiptare është e mirë pasi në kemi mbi 270 ditë me diell, ujin e kemi shumë të mirë pasi i kemi bërë analizat. Këto janë cilësitë kryesore. Dhe për sa i përket pesticideve sa më pak t’i përdorësh aq më mirë është.”
Trendi i viteve të fundit të bujqësinë shqiptare është zgjerimi i sipërfaqeve të mbjella në sera si dhe në frutikulturë.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: top-channel.tv/
Subscribe to "Top Channel" on RU-vid Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Domatja#Shqiptare#TopChannelNews
18 сен 2024
