الله يبارك فيكم كوني كنت مالك الاف جي اكثر من خمس سنوات صدقوني سيارة عملية وما تخرب ابدا بس تبديل زيت وتواير وامور استهلاكية صدقوني افضل ما صنعت تويوتا
سبحان الله الموتر هذا اول ما تزل ما كنت مقتنع في شكله بتاتا البته... و بعدين شريت واحد موديل ٢٠٠٩... بعته في ٢٠١٤ مضطر لان حجمه صغير و عيالي كثروا... و الى الان متحسف على بيعته... ما يرده شي ما شاء الله تبارك الرحمن... ما خليت نفود و لا جبل و لا ديره ما جيته عليه...
يعطيكم العافيه حلقة مفيده للمستهلك نحتاج قنوات بالكويت نفس هالنوع لان من الاخر الشوارع والجو عندنا تحتاج سيارة قوية واغلب الناس قاعد ينغشون بسيارات غاليه وما تسوى.. شكرا يا شباب
Amazing car, I just bought the last FJ Cruiser in black/white, I’m taking delivery in few days in Beirut-Lebanon. Can’t wait to drive it and keep it for 30 years and maybe more inshallah…
افضل قرار يوم شريته صدقني بتحبه اكثر مع الوقت اكثر سياره صلبه و جوده عن تجربه ولا يتقارن ابدا ابدا مع الرانجلر و البرونكو من ناحيه العملانيه و سعه خزان الوقود
ماشاءالله ، الله يبارك لك في الموتر يارب يعطيك خيره ويكفيك شره انا مستخدم للاف جي عندي كذا نصائح بسيطه للتذكير ١- ضروري الاف جي تظلل القزاز الامامي شفاف من الخارج عشان القزاز يتاثر من السافي ويرمل وايضا عشان يحميه من الحجر الصغار ٢- حاول ماتركب كفرات اكبر من مقاس ٢٧٥-٧٠-١٧ لانه بيثقل الموتر بشكل ملحوظ جدا وايضا لاسمح الله ياثر على القير و الدفرنس الا اذا انت بتعدلهم ٣- فيه عيب مصنعي بالافجي مع كثرة طلعات النفود و الافرود بشكل عام تطلع لك صوت طقطقه بالدركسون مزعجه شوي حلها يا انك تغيره الجوزه الي بعامود الدركسون او تخرطها في مخرطه بحيث يلغي الجوزه وترتاح مره وحده وان شاءالله ماتجيك هذي المشكله وحلها بسيط في النهايه الله يبارك لك فيه وعز الله موتر كفو بمى تعنيه الكلمه واسال مجرب انا استخدمته استخدام شاق جدا جدا لكن محافظ على صياناته اول باول بيعيش معك ويقول هل من مزيد 😂 اعتذر على الاطاله
ممكن عدة اسئله لان عندي هايلاندر 2008 وريد ابدلها باف جي 2013 او 2015 1-الصرفيه نفس ماينقال عليها يعني بتشرب؟ 2- النوافذ حق الوسط بتنزل ولا ثابته؟ 3- عادي اشتريها حتى لو توقف صنعها حاليا يعني ماياثر لما ابيعها او توريد قطع غيارها للبلد ؟
@@حمودعبدالخالق-و1ز النوافذ لا ما تنزل حق الوسط مثل نوافذ الطيارة هههههه الصرفية متوسطة حسب مشاويرك حتى لو توقف صناعتها سيارة قطع غيارها متوفر بشكل كبير وصيانتها متوفرة وشركة تويوتا لها وكالات ووكلاء أي شي تطلبه يتم توفيره
@@حمودعبدالخالق-و1ز من ناحية السعر لاتخاف في امريكا توقف صناعتها وبيعها في ٢٠١٤ ولازال الطلب عليها وسعرها اكبر مما تتخيل لليوم اما صرفية البنزين لك عليها كل واحد يحسب حسب مصاريفه وسعر البنزين في دولته
هالحلقة رسالة لكل شخص يبحث على المواصفات مقابل الاعتمادية.. وأيضا...لاتحاول تأخذ داخلية باللون الأسود..الا اذا كان المكيف (فوق) الممتاز..مثل الأف جي(ماشاء الله)
جزاكم الله خير تجربتي لهاذي السياره بصراحه اشتريت اثنين منهم من كثر حبي لها من الاخر ماشاء الله لا قوه الا بالله اللهم بارك. ما تخرب و رائعه جدا عيوبها استهلاك بنزين مرتفع و مو مشكله مقارنه بما تقدمه لك مكيف و شكل و مافي اعطال و بصراحه روعه العيب الثاني ضيق المقاعد الخلفيه بس غير كذا مافي و الي يحب التعديل عندو بحر تعديل لها انصح و بشده بهاذي السياره و افضل من كل المنافسين من ناحيه الاعتماديه و توفر قطع الغيار و القطع المقلده و الشركات الي تعدل عليه و الشكل الي ما يتغير و الله يوفق الجميع للخير . سلام
عندي fj 2013 والله موتر لفيت دول الخليج والسعودية شمال وجنوب وشرق وغرب مريح بالخط وغير ممل بالقيادة بس انه خدمات صفر بس مثبت السرعة ومسألة البيبان تعود عليها اختيار موفق الله يعطيك خيرة وكفيك شره
الله يبارك لك واهنيك على الاختيار واكثر ضحكني يوم تقول ملاك الاف جي يمشون مسافات ماهي طبيعيه ، فعلا لانه يصلح لاستخدام يومي و للسفر والبر . ملاحظة اتابع الحلقة من قلب الغساله 😂🤍
الف مبروك الله يعطيك خيره ويكفيك شره...ونعم الاختيار والايام راح تثبتلك ذلك وعن تجربه الاف جي سياره تعلقك فيها وتخليك تعشقها ومن ناحية الاعتماديه رائع جداً
ماشاءالله تبارك الله يعطيك خيره ويكفيك شره فعلاً FJ من افضل المواتر الي تعطيك قوة ورساوة واعتمادية زي ماتقول لك وللدهر وبالمناسبة انا اشوف الداخلية فخمه ماشاءالله ويميزه عن غيره الله يبارك لك فيه🤍
جربت سياقة لاند وبرادو وانا صاحب اف جي ٦ سنوات تبارك الله موتر كد مد وبر وشارع ورصيف والمرسي نوعا ما اريح من كثير سيارات في تايوتا وشبابي لعل ورا في ضيق لكت الي ماتفرق نصيحة موتر جبار ولو في منه بابين مراح افكر اخذ غيره والى الان ماني محصل موتر بسعر الاف حي مريضيني حيل الا امكن وانيت فورد او اكسبدشن واحس مو نفس مميزات الاف جي
عساكم عالقوه للامانه فيديو جميل ومرتب وكوني املك ٣ اف جي بصراحه استخدامه جدا جميل وعملي وبنفس الوقت يفيدك من جميع النواحي سواء تبيه شبابي او عائلي بالاضافه الى قطع الغيار مناسب وخراباته جدا قليله فقط اللهم الاستهلاكيات الى الامام وعسى الله يحفظكم💙
قرارك ممتاز الاف جي موتر مكده انا كان عندي واحد موديل 2012 كديته ستة سنين وبعته واخذ باترول فتك ربع سوبر سفاري والاثينين ولا غلطة تبي سيارة لا تطلع عن الياباني خصوصا في الخليج
شريت الاف جي بعد فولكس... الاف جي مريحه اكثر و السبب انك ما تشيل هم اي شي لا طريق لا حفر لا تصليحات لا سناسر ... بالنسبه لابعاده جدا اعجبتني لانه يعطي احساس بانك داخل مركبه فضائية 😆 ... باختصار ما تحتاج اكثر من هذة المواصفات للتنقل لاي مكان
ربي يبارك لك فيه، أنا من سلطنة عمــان، خذيت أفي جي وارد الكويت 2021 على الزيرو من معارض السلطنة في شهر أغسطس العام الماضي، وصراحة شفت وارد الكويــــت أفضـــل، وحالياً ماشيء فقط 22300 كيلومتر
افضل اختيار اخترته انا معاي اف جي 2014 الحمدلله موتر بطل اعطاله كلها اشياء مستهلكه ، والاف جي يقبل تعديل إلين تمل من التعديل عيبه اللي يدور تقنيه زايده مراح يلافي فيه لكن ممكن تضيف له
الأف جي من 2008 إلى الأن معي .سياره ليست للرفاهيه والكشخه سيارة مصنوعه للبر انا استخدمه للبر وللطرق الطويله ممتاز جداً لأصحاب الخشونه وراعي البر . اغلب السيارات بعد كل موسم لازم تسوي لها تربيط وتغيير قطع غيار. لكن الإف جي غيررر يتحمل معك ويكد ويمد
الله يعطيك خيره ويكفيك شره .. الأف جي له الفه اذا تعودت عليه صعب تنسجم مع جيوب ثانية الأسباب - هاديء ناعم مرتب مافي هربدهبنفس الوقت موتر رحاله حق مشاوير بعيده
عالبركة تكده بالعافية، انا جربته لفترة قصيرة مدة يومين ثلاث، وكان وقتها عندي يوكن 2005، للأمانة المشكلة كانت بالنسبة لي عدم انسيابيته مع الهوا. تحس اذا مشيت سرعة عالية يدزك الهوا مايخليك على نفس سرعتك لازم ترفع الار بي أم وايد عشان تمشي فيه 120 وفوق وتحافظ عالسرعة. بس العجيب فيه أنه مايحترم رصيف ولا مطبة ولا شي. كنت ولازلت اقول افضل سيارة لطالب جامعة ممكن يحك رصيف او يصفط على رصيف مايهمه شي وتكييفه مثل ماذكرت ثلاجة.
الله يباركلك ان شاءالله. انا مستخدم اف جي من 2008 ولله الحمد ما اشتكي من شي ابد اللهم قطع استهلاكيه فقط لاغير. موتر كفو ولا يخذلك واعتمادي الى ابعد درجه
صراحة اتفق بقوة بحكم تجربة طويلة لسيارة FJ 2008 المكينة القديمة و بعته ب ٢٠١٥ لظروف لاكن اكثر سيارة ندمت على بيعتها وأخذت رام ١٥٠٠ موديل ٢٠١٥ و ياليل الليل وكيل مدري كيف خرابات تقول هرمونات شهرية لا ولو يخرب عندك نظام التعليق الهوائي إصلاحه عند الوكيل ١٠ الالف ريال سعودي الخلفي فقط الأمامي الاثنين حول ١٨ الف ريال ولو فكيته ركبت سبرنق السيارة تقسى عن أول بشكل بسيط الله يقدرنا و ننفك منه ونرجع لفاطمة جعفر 😜🤣 FJ
@@madeiniraq7420رضي الله عنها و عن جميع صحابته الكرام بس ما اعرف ليش تركت كل الفاطمات في الدنيا ورحت لبنت الرسول صلى الله عليه وسلم... لاكن الله يهديك يا حباب 😊
ماشاء الله تبارك الله الله يبارك لك ويطعمك من خيره ويكفيك شره احسنت الاختيار موتر بطل وجبار ورغم ان قصته قديمه الا انه مازال لها حضور وراح تستمر هذا واحد من افضل المنتجات اللي طلعت من مصانع تويوتا والله يهدي تويوتا وتجيب لنا جيل جديد انا شخصيا افكر اخذ لي واحد موفق وننتظر لمساتك عليه
كلامك صحيح بخصوص التايوتا المستعمل ممشاهم وايد حيل انا كنت ادور على اوريون اكثرهم ماشيين وايد ولي ممشاه متوسط يكون مشيص او اقل فئه. الديره صغيره مادري وين يروحون 😅😅😅
الله يعطيكم العافيه بس عندي مقترح ؟ ليش ما تبدعون اكثر من خلال تغطية أسعار الصيانه و السيرفس للسيارات اللي تعرضونها ؟ و تعملون مقارنه بين اسعار الصيانه بين شركة تويوتا و نيسان مثلا ؟ أسعار القطع الاستهلاكية مثل السفايف و الفلاتر و الميجر سيرفس ! بحيث انكم راح تساعدون الزبون على أتخاذ القرار المناسب لشراء السياره المناسبه له ، الكثير منا يعاني من ارتفاع اسعار الصيانه و من مدى إمكانية الوكاله بتصليح السياره بشكل مرضي ، وراح يكون لكم الفضل بضبط الاسعار من خلال خلق جو من التنافس بين وكالات السيارات
اقتراح جميل لكن ماعندنا الوقت ان نسوي هالشي احنا الاثنين دواماتنا شفتات غير جذي عندنا شركه خاصه فينا ف بالغصب نحصل يوم بالاسبوع نسوي فيه حلقه لكن بالمستقبل اذا كبر الفريق ممكن نخلي شخص ايمع لنا هذي المعلومات اهي ببالنا السالفه
عسى الله يعطيك خيره وخير ما صنع له ويكفيك شره وش ما صنع له .. انا معي اف جي 2 مديل 2022 والله موتر قوي ويطربك موتر بر ما كلهن تبي خط تبي بر وما يشكي ولا يفتح فمه بالورش والمكيف تبارك الله مربعانيه ❄️ وابي منك تحط وسايد على المراتب ظهر ومقعد وشف كيف تفرق معك الراحه للظهر وراحه بالسواقه وانت تسوق وهذا من تجربتي انا يا محاكيك وارفع مقعدة السواق لاخر شي تحس انك مسيطر وتخف معك الزوايا العميا اللي بالاف جي وسلمت ودمت
عشان اعطيك معلومه جوهريه في FJ ترا اغلب سيارات التايوتا مؤشر البنزين من الفل للنص ترا ثلثين التانكي وبتلاحظ البنزين بعد النص تشوفه يخلص بسرعه وانا معي FJ 2019 التانكي الكبير يمشي حول 1200 كيلو بس اذا سافرت خط طويل وكان فيه هوا قوي يصرف بنزين واجد ولكن حلال عليه موتر ممتع اطلق سياره ممكن تمتلكها
انا كنت اكره هذا الموتر بسبب شكله ولكن بعد التجربة غيرت رأيي تماماً موتر قوي ومريح واعتمادي ولكن حزنت لما سمعت انو انقطع وماراح تنتجه الشركة حبيته موتر قوي جداً ولا تفكر يخرب 🌹🌹🌹🇸🇦🇸🇦🇸🇦شكراً لكم وعلى التغطية الممتعه
ماشا الله حلو تغطيه أخواني عمر وعلي تويوتا اف -كروز الف مبروك اخوي علي صج اختار صج الله يكفك شر يعطيك بس ليش مافي نقط عمياء على نوافذ حلو شرحكم حلو معك عمرأبو خالد
