යාපහුවේ තිබුන රාජධානිය කි.ව 1293දී තමයි දෙවනි බුවනෙකබාහු රජතුනා කුරුණෑගලට ගෙන එන්නෙ. ඒ වගේම දන්ත ධාතුන් වහන්සේත් කුරුණෑගලට වැඩමවලා තියෙනවා.
දෙවනි බුවනෙකබාහු රජුගෙන් පස්සෙ හතරවන පරාක්‍රමබාහු, වන්නි බුවනෙකබාහු කියන රජවරු කුරුණෑගල පාලනය කරගෙන ගිහින් තියෙනවා.
කුරුණෑගල රාජධානි සමය සිංහල සහිත්‍යයේ වර්ධනයක් ඇතිවුන යුගයක් විදියටත් හදුන්වන්න පුළුවන්.
ජාතක කතා පොත් වහන්සේ, පිරුවානා පොත් වහන්සේ වැනි ශ්‍රේෂ්ඨ කෘතීන් ලියවෙන්නෙ මේ කාලයේ.
ඒ කාලේ හස්තිශෛලපුර රජධානිය නමින් තමයි කුරුණෑගල රාජධානිය හදුන්වලා තියෙන්නෙ.
ඒ කාලේදි රජ මැදුර, දළදා මාලිගාව තිබිලා තියෙන්නෙ ඇතුගල පාමුල දැන් තියෙන පළාත් සභා කාර්‍යාලය තියෙන තැන. ගල්කනු, කැටයම් ගල්, ගල් උළුවහු වගේ දේවල් ඒ අවට දැනගත් තියෙනවලු.
ඒත් පසුව ගොඩනැගිලි ඉදිවීමත් එක්ක ගොඩක් නටඹුන් විනාශ වෙලා ගිහින්.
ඇතුගල :-
මීටර් 316ක් උස මේ මහා පර්වතය කුරුණෑගල අනන්‍යතාවය කියලත් හදුන්වන්න පුළුවන්. ඇතුගලේ මුදුනට යන්න පාරවල් දෙකක් තියෙනවා.
එකක් තමයි ගලෙන්ම ඉදිකරලා තියෙන පඩිපෙල. අනෙත් පාර තමයි වයඹ පලාත්සභා කාර්‍යාලය අසලින් ඉදිකරලා තියෙන කාපට් අතුරපු පාර. මේ පාරෙන් වාහනේකින් ගල මුදුනටම යන්න පුළුවන්.
ඇතුගල මුදුනේ තියෙන සමාධි ප්‍රතිමාව 2003 වර්ෂයේදී තමයි ඉදිකරලා තියෙන්නෙ. මේ ඉදිකිරීම කරන්නෙ ඇතුගල සංවර්ධන සමිතිය මගින්. ප්‍රතිමාවේ උස අඩි 66ක්. පිළිමය අභ්‍යන්තරය බලන්නත් යන්න පුළුවන්. අභ්‍යන්තරයේ ඉදිකිරීම් වල්ලට සම්බන්ධ චායාරූප බලන්න පුළුවන්.
මේ ඇතුගල වටේට සතුන්ගේ හැඩය තියෙන කදු කිහිපයක් බලාගන්න පුළුවන්.
ඉබ්බාගල, එළුගල, කුරුමිණියාගල, ආදාගල මේ අතරින් කිහිපයක්.
කුවේණිය විජය රජු පලවා හැරියාට පස්සෙ කෝපයෙන් ශාප කිරීමෙන් ඒ වෙලාවෙ රැදිලා හිටිය ඇතෙක්, කුරුමිණියෙක්, ඉබ්බෙක්, එළුවෙක් ගල් පර්වත බවට පත්වුණු බවට ජනප්‍රවාදයේ පැවත එනවා.
ඉබ්බාගල විහාරය:-
ඉබ්බෙකුගේ හැඩයට සමාන හැඩයක් සහිත නිසා ඉබ්බාගල නමි හදුන්වනවා. ඇතුගලට යන පාරේ කිලෝමීටර් 1.5කින් පමණ හැරී ඉබ්බාගල පන්සලට එන්න පුළුවන්. පන්සලේ ලෙන් කිහිපයක්ම පිහිටලා තියෙනවා.
මේ පන්සල දළදා මැදුරේ තේවාව කරන භික්ෂූන් වහන්සේලාට ආවාස පහසුකම් වෙනුවෙන් තමයි ඉදිකරලා තියෙන්නෙ. උඩරට සම්ප්‍රදායට අයත් ප්‍රතිමා, බිතු සිතුවම්වල පෞරාණික අගය පසුව කරන ලද අලුත්වැඩිය නිසා හානි වෙලා තියෙනවා.
විහාරය දෙවන බුවනෙකබාහු රජතුමා විසින් ඉදිකරා කියලා තමයි ජනප්‍රවාදයේ සදහන් වෙන්නෙ.
රජුගේ මවට ශ්‍රීපාදස්ථානය වන්දනා කරන්න ලොකු කැමැත්තක් ඇතිවෙලා තිබුනත් ඒ තරම් දුෂ්කර ගමනක් යන එක අපහසු නිසා ඉබ්බාගල මත ශ්‍රීපාදයේ අනුරුවක් නිර්මාණය කරලා මෑණියන්ට වන්දනා කරන්න අවස්ථාව හදලා දීලා තියෙනවා. පස්සෙ පිළිමගෙයක් සහ දාගැබක් ඉදිකරලා ඒවා නඩත්තුව සදහා ගම්වර කිහිපයක් ජූජා කරා කියලා ජනප්‍රවාදයේ සදහන් වෙනවා.
ඇත්කද විහාරය:-
කුරුණෑගල ටවුන් එකේ ඉදන් යද්දි නුවර පාරේ මීටර් 300 - 400 ඇතුගල පාමුල තමයි ඇත්කද විහාරය පිහිටලා තියෙන්නෙ. ප්‍රධාන විහාර අංගය විදියට ලෙන් විහාරය හදුන්වන්න පුළුවන්.
ලෙන් විහාරය තුල සැතපෙන පිළිමයක්, හිදි පිළිමයක් සහ හිටි පිළිමයක් තියෙනවා. උඩරට සම්ප්‍රදායට තමයි නිර්මාණය කරලා තියෙන්නෙ.
පැරණි කොරවක්ගල්, සදකඩපහන් විහාරයේ බලන්න පුළුවන්. ඒ වගේම පැරණි පුස්කොලපොත් එකතුවකුත් තියෙනවා. ඒ අතර සිංහල ජාතක කතා පොතේ මුල් පිටපත අදටත් ඇත්කද විහාරයේ සුරක්ෂිතව තියෙනවා.
ඇත්කද විහාරයේ ධර්ම ශාලාව අවුරුදු 100කට කලින් යටත් විජිත සමයේ තමයි ඉදිකරලා තියෙන්නෙ. එහි සුවිශේශ වාස්තු විද්‍යාත්මක ලක්ශන බලාගන්න පුළුවන්.
මෙහි හතර දිශාවේ ආලංකාර කැටයම් සහිතව ඉදිකරපු වාහල්කඩ 4ක් තියෙනවා.
මේ රූප රචනය තුලින් ඉහත මන් සදහන්කල ස්ථාන පිළිබඳ සහ රංතාලිය වැව, වැව්ගල රජමහා විහාරය වැනි ස්ථාන පිළිබඳව සම්පූර්ණ විස්තර සහිත රූපරාමු පෙලක් සහ කුරුණෑගල නගරයේ සුන්දර බලන්න පුළුවන්.
මේ පිළිබඳ ඔයාලා දන්න කරුණුත් Comment කරන්න අමතක කරන්න එපා. ඔයාලගේ අදහස් හා යෝජනා අපේ ඉදිරි චාරිකා ආදහා බොහොසේ උපකාරී වෙනවා.
නැවතත් අපේ සුන්දර ලංකාවේ ලස්සන තැනකින් හමුවෙනකන් අදට අපි සමුගන්නවා. මත ඇතුව Channel එකත් subscribe කරන්න.
බුදු සරණයි. ජය වේවා🙏🌿💙💚
Music - RU-vid Audio Library
Camera - Gopro Hero 10
#kurunegala
#ranthaliya
#athugala
4 окт 2024
