Tun hnu-a Tribal Power in anmahni version an cover Chhingkhual Di phei hi chu a hunlai chuan lar vet vet tak a ni. He hla-a guitar solo hi Butta signature solo a tih ngam a. Butta guitar zut no zia an sawi apianga hahipa an sawi thin chu he solo hi a ni. Hetah hian frenger effect a hmang a ni awm e.Heng hunlaia All India Radio-a an Mizo hla ngaithlak thin chu hollow guitar pakhata rem tleng tleng chi, tun hnua Leihkapui Zai an tih tak ang deuh hlir kha a ni a. Vulmawi ho hian revolution rilru puin Mizo hlaphuah dan an rawn her dang lam dawrh a. Hla thu atan pawh, tawng upa an hriat loh vang ni lovin, thu mawl te te, khawlai tawng tualleng te an rawn hmang ta a ni.
A hunlai ngaihtuahin model hi a chhe lo hle mai, tunah pawh a tluk lo an la tam dawn ropui, a zahpuiawm lo hle mai, tin model an lo thlang uluk hle tih a hriat, tunlai music video tam tak ai in a la entlak daih zawk daih, a zahpuiawm loh mai ni lovin a changkang a ni tawp, Tribal power vul reng rawh se.
Hemi Album-ah hian hla pahnih chauh a awm kha a ni a. Enge a hla pakhat zawk kha ka hre chhuak thei ta tlat lo. A hria chuan han sawi teh u a? A mawi ka ti khawp mai, a pahnihin. Share tur nei chuan share zel chi a ni :)
