#Hereket atly Türkmen demokratik oppozisiýa güýçleriniň bileleşiginiň informasiýa göreşindäki #Turkmenim RU-vid kanaly halk köpçüligine hödürleýär:
Türkiýäniň ýer yranan sebitlerindäki bikanun migrantlara wagtlaýyn geçirimlik karary:
Türkiýäniň Daşary işler ministrliginiň degişli resminamasynda 2023-nji ýylyň 6-njy fewralynda başda Kahramanmaraş, Hatay, Osmaniye, Gaziantep, Şanlıurfa, Diyarbakır, Malatya we Adana welaýatlary bolmak bilen köpsanly welaýata oňaýsyz täsirini ýer titreme betbagtçylygyndan zyýan çeken daşary ýurtlylar üçin käbir ädimleriň ädilmegi aýratyn nygtalýar. Hut şonuň üçinem Türkiýede ýer titrän sebitlerde ejir çeken migrantlara 2023-nji ýylyň 9-njy fewralyndan başlap daşary ýurda çykjak mahaly wizasyzdygy anyklanaýanda-da kesgitlenen belli bir wagtda jeza berilmese we deport (çäklendirme, gadaganlyk) goýulmasa ýagşy boljagy nygtalýar. Ýer titrän sebitdäki welaýatlarda tebigy betbagtçylyk zerarly ýaşaýyş ýerleriniň ýetmezçilik edýändigi göz öňünde tutulyp, Türkiýedäki migrantlaryň artykmaç alada döretmeginiň öňüni almak maksady bilen daşary ýurtlylaryň gaýdyşynyň çaltlandyrylmagy we ýeňilleşdirilmegi maksady bilen, merkezi Kahramanmaraşda bolan ýer titremeden özi, maşgalasy, 1-nji derejeli ýakyn hossarlary täsir gören daşary ýurda gitmek isleýän migrantlara wiza, wagtlaýyn wizasyzlyk, iş wizasy ýa-da ýaşaýyş rugsady düzgünlerini bozanlar hakynda degişli (a) kararnamanyň 8-nji maddasynda görä geçirimlik edilmeginiň has dogry boljagy bellenilýär.
Ýatlanan kararnamanyň adatdan daşary ýagdaýlarda göz öňünde tutulmaly diýilýän 8-nji maddasynda:
1) "Wiza, wagtlaýyn wizasyzlyk, iş wizasy ýa-da ýaşaýyş rugsadynyň möhletinde ýüze çykýan adatdan daşary ýagdaýlarda özüne degişli delilnamalary görkezen halatynda 6-njy maddanyň 1-nji bendinde agzalýan "Ç" kodly resmi iş gozgalmaz we düzgüni bozandygy sebäpli berilmeli jerime hem jezalar amala aşyrylmaz.
2) "Ýurtda ýa-da dünýäde dörän adatdan daşary ýagdaýlar sebäpli wiza, wagtlaýyn wizasyzlyk, iş wizasy ýa-da ýaşaýyş rugsadynyň düzgünini bozan migrantlara baş müdirligiň buýrugyna laýyklykda 6-njy maddanyň 1-nji bendinde agzalýan "Ç" çäklendirme kodly ýurda giriş gadaganlygy (deport) goýulman biler we bozulan düzgün sebäpli jerime hem jezalar amala aşyrylman biler" diýlen hut şol kada gabat gelýändir.
Bu çarçuwada:
2023-nji ýylyň 6-njy fewralynda güýç merkezi Kahramanmaraşda bolan ýer titremeden ejir çeken migrantlaryň özi, maşgalasy, 1-nji derejeli hossarlary we dogan-garyndaşlary daşary ýurda çykmak üçin serhet gapylaryna baranda wiza, wagtlaýyn wizasyzlyk, iş wizasy ýa-da ýaşaýyş rugsadynyň düzgünini bozandygy sebäpli 2023-nji ýylyň 9-njy fewralyndan 1-nji martyna çenli Kararnamanyň adatdan daşary ýagdaýlarda göz öňünde tutulmaly 8-nji maddasyna laýyklykda "Ç" çäklendirme kodly ýurda giriş gadaganlygy (deport) goýulman, jerimeleriň alynmazlygyny we jezalar amala aşyrylman (bar bolan maglumatlary arhiwde saklap) wagtlaýyn geçirimlik edilmegine gol çekýärin.
Dr.Can Ozan TUNCER
Bakan a.
Başkan V.
7 сен 2024
