Zjarri që nisi të hënën në Frashtan të Dropullit gjatë natës kaloi malin e gjerë dhe mëngjesin e kësaj të marte mbërriti në Qafë Muzinë.
Pavarësisht përpjekjeve të forcave zjarrfikëse, të helikopterit Cougar, efektivëve të ushtrisë dhe policisë, të favorizuara edhe nga era e fortë, flakët dogjën një pjesë të mirë të sipërfaqes me shkurre dhe pemëtari në fshatrat e Dropullit, si dhe gjithë faqen e malit dhe paraditen e sotme zbritëm në afërsi të fshatrave të Finiqit dhe Delvinës.
Më të rrezikuara janë fshatrat Pecë dhe Kardhikaq të bashkisë Finiq, ku janë përqendruan edhe shumicave e forcave që po punojnë në terren për izolimin e flakëve.
Siç shihet edhe nga pamjet zjarri ka mbërritur pranë fshatrave duke rrezikuar edhe banesat.
Krahas helikopterit të ushtrisë që po hedh ujë nga ajri, nën koordinimin e Agjencisë Kombëtare të Mbrojtjes Civile po punohet me forcat dhe automjetet zjarrfikëse të bashkive Finiq, Delvinë, Sarandë, Dropull, Gjirokastër dhe Përmet për të stabilizuar situatën e krijuar prej ditës së djeshme.
Ndërkohë policia njofton se ka arrestuar një 39-vjeçar si autor të dyshuar të zjarrvënies gjatë ditës së djeshme në fshatin Frashtan të Dropullit, i cili u bë burim për zjarrin që sot ka djegur një pjesë të mirë të bimësisë së Malit të Gjerë.
Tv Klan
SUBSCRIBE to “RTV KLAN” on RU-vid for more videos!
Email: info@tvklan.al
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/
8 июл 2024
