TWASUYE Indake ya GIKOBA || Amezi 11 Perezida Kagame aba mu Ndake ayoboye urugamba rw'Agasantimetero 

Urugamba rwa GIKOBA:
Uburyo Maj Gen Paul Kagame yahinduye ibintu maze RPA Inkotanyi zigafata igice cy'ubutaka ku butaka bw'u Rwanda.
Maj Gen Paul Kagame yaravuze ati jye n'Ingabo zanjye z'Inkotanyi tugiye gufata igice cy'ubutaka ku butaka bw'u Rwanda maze duhangane n'Ingabo za Leta kugeza igihe bemeye tukajya ku meza tukaganira bityo ibibazo byatumye intambara yo kubohora u Rwanda tuyitangiza birangire.
Yabitekereje bari mu Birunga aho bari baragiye mu kwezi kwa 11 Ukwakira 1990 bavuye mu Mutara aho bari bagiye gushirira ingabo za Leta y'icyo gihe zibica buri kanya. Yohereje intasi ze mu Mutara maze zigaruka zimubwira ziti twabonye ahantu hagukwiye Afande wacu. Afanda PC asesengura amakuru ahawe n'abo banyabwenge be asanga ari meza amanura Inkotanyi nyinshi mu birunga azijyana mu Mutara ahitwa GIKOBA iherereye mu cyahoze ari Komine Muvumba.
Kuva mu kwezi kwa 7 umwaka w'1991 kugeza mu kwezi kwa 6 mu w'1992 Inkotanyi zari zimaze kwirukana ibindiro byose birenga 50 byari mu jisho ryazo maze zicaza Perezida Habyarimana ku meza y'ibiganiro by'amahoro.
Urugambwa rwiswe urwa Gikoba rwafashe agace kiswe Agasantimetero ni rwo rwabyaye amayeri akomeye yagiye akoreshwa kugeza tariki 17/07/1994 ubwo Inzirabwoba za Leta zatinye umuriro w'Inkotanyi zigasohoka zikambuka umupaka uhuza u Rwanda na ZAIRE ( DR Congo) zigahunga. Intambara yo kubora u Rwanda ikaba irangiye ityo Inkotanyi zicigatiye Intsinzi ihambaye.