U khetheloe tsatsi lena,
E leng phomolo;
Ke tsatsi la hao, Morena,
La lehlohonolo.
2 Oho, nthuse ho mamela
Lentsoe la bophelo
U nthuse le ho rapela
Ka tlung ea thapelo!
3 U mpale, Morena Jesu,
Le ba u khahlisang;
Ke neoe le bana beso
Lijo tse phelisang
4 Taba tsa hao li hatisoe
Lipelong tsa rona;
Rato la hao le holisoe,
Le tuke ho tsona!
5 Molimo, re bana ba hao
Re rutoe ke uena
Tabeng tsohle tsa mohau,
Tseleng ea Morena!
5 окт 2024
