Sti trè solchi stampati in fronte Chì s'incalcanu ogni ghjornu Sò tutte le mio annate conte E partute senza ritornu Ben chi u core ùn sia vecchju Quandu m'arrizzu ogni matina S'Io mi fiduleghju indrent'a lu specchju Mi dicu: « ottanta s'avvicina » Dopu cent'anni è centu mesi Ancu l'acqua s'ella ùn hè tolta Ritorna fin' a i so paesi Ma u tempu mai ùn volta Cum'una petra ch'omu ghjeta Chi ùn rivene più in manu U tempu passa è ùn aspetta Si brama quand'ellu hè luntanu Hè un ricordu zitellinu Sò l'ultime annate di scola D'un pasturellu canterinu In una piève muntagnola Hè un ritrattu, una canzona Un primu amore à quindeci anni U tempu passa è si pardona Centu prumesse è mille inganni A ghjuventù hè troppu corta Po' una mane hè finita E a l'omu maiò li porta Angoscia è guai a la so vita Hè cume un colpu di catena Chi ci scaperebbe a disgrazia. U tempu fughje è s'alluntana Senz'aspettà l'omu chi strazia Ci spicca di à nostra ghjente Senza dumandaci l'avisu Furtuna chi ci ferma a mente Sempre unu sguardu un surrisu Si conta nant' a qual chi sia Po' una mane omu s'accorce Ch'omu hè solu a mezza via Per cantà è purtà la croce Ùn ci vole micca esse ingordi Un ghjornu ci lascemu tuttu E tandu ùn so più che ricordi Tra capitale fondu e fruttu E per ciò questi ghjorni belli Ì mi vogliu passà felici A mezzu a tutti li mio cari Sempre cantendu cu l'amici L'acella santa s'ella ùn more Riturnerà ogni veranu Invece u tempu chi corre D'aspettallu serebbe vanu L'acella santa s'ella ùn more Riturnerà ogni veranu Invece u tempu chi corre D'aspettallu serebbe vanu