Ina ua mavae le valu tausaga i le vao, ua taunuu mai le aiga o Liae ua faatoateleina i se nofoaga tumatafaga. Ua latou taʼua o Nuumau ona o le tele o ona fualaau ʼaina ma le meli vao. Ua lagona e Nifae le siufofoga o le Alii ua poloaiina o ia e alu atu i luga o le mauga e tatalo ai. O iina na ia maua ai se poloaiga mai le Alii e fau se vaa e ave ai ona tagata i luga o le vasa. Ua tatalo Nifae ia iloa po o fea na te maua ai le ‘oa e gaosi ai meafaigaluega e fau ai le vaa. Ua ia faia se tapili mai pa’u o manu ma faaaoga maa e fai ai le afi. Ina ua uma ona gaosi meafaigaluega, ua amata ona ia galue i le fauina o le vaa. Ina ua iloa e Lamana ma Lemuelu le mea o loo faia e Nifae, ua la ta’ua o ia o se vale ma faitio i ana taumafaiga. Ua ia tali atu e ala i le toe ta’ua o le talafaasolopito o fealoaiga a le Atua ma o latou tuaa, le fanauga a Isaraelu, ma faamanatu atu ia i laua na la’ua vaaitino foi i se agelu. A o ia saunoa, ua faatumulia Nifae i le mana o le Atua, ma ua fefefe ai Lamana ma Lemuelu e finau faasaga ia te ia mo le tele o aso. Ua fetalai mai le Alii ia Nifae ma ta’u atu ia te ia e faaloaloa atu lona lima i ona uso. Ua ia faia, ma ua faate’ia e le Alii i laua. Ua tautino mai Lamana ma Lemuelu ua la iloaina o loo faatasi le Alii ma Nifae.
E faatatau i le 1 Nifae 17-18.
5 сен 2024
