ಪೂರ್ವದಲ್ಲಿ ಹುಟ್ಟುವ ಸೂರ್ಯನು..
ಇರುಳ ಕರಗಿಸಲು ಮರೆವನೆ?
ರಣರಂಗದಲ್ಲಿ ಸೆಣಸುವ ಯೋಧನು..
ಸಾವಿಗೆ ಹೆದರಿ ಹಿಂಬರುವನೆ?
ಶತ್ರುಗಳ ಸಂಖ್ಯೆ ಎಷ್ಟಿದ್ದರೂ..
ವೀರನಿಗೆ ಯುದ್ಧವೂ ಆಟವೇ..
ಕಣ್ಣ ರೋಷಾಗ್ನಿಯೂ ಉರಿಯಲು..
ನೋಟಕೆ ಭಸ್ಮ ಆ ವೈರಿಯು..
ಬಂದರೆ ಕೊಲ್ಲಲು ಸೈನ್ಯವೂ..
ಕಾಯಲು ನಿಂತ ಈ ರುದ್ರನು..
ಉಗ್ರಶ್ರವಾ.. ಉಗ್ರಶ್ರವಾ..
ಎದುರಿಸಲು ನಿಂತನೂ ಕತ್ತಲಾ..
ಉಗ್ರಶ್ರವಾ.. ಉಗ್ರಶ್ರವಾ..
ಹರಿಸಿದ ನದಿಯಾಗಿ ನೆತ್ತರಾ..
ಉಗ್ರಶ್ರವಾ.. ಉಗ್ರಶ್ರವಾ..
ಸಾವಿಗೂ ನಡುಕ ತಂದಿರುವನೂ..
ಉಗ್ರಶ್ರವಾ.. ಉಗ್ರಶ್ರವಾ..
ಯಾರಿಗೂ ಅಂಜದ ಶೂರನೂ..
ಕಾರ್ಮೋಡದ ಅಂಚಿನ ಬೆಳ್ಳಿಯು ನೀ..
ಕಗ್ಗತ್ತಲಲ್ಲಿ ಮಿಂಚುವ ನಕ್ಷತ್ರ ನೀ..
ನೀ ನಡೆವ ದಾರಿಯೇ ಮೈಲಿಗಲ್ಲು..
ಅಂಧಕಾರದಲ್ಲಿರುವ ಜಗಕೆ ಬೆಳಕ ಚೆಲ್ಲು..
ಚಕ್ರವ್ಯೂಹದೊಳಗೆ ನುಗ್ಗಿದ ಅಭಿಮನ್ಯು ಹಾಗೆ ನೀನು..
ಅದರೊಳಗೆ ನಿನ್ನ ಸೋಲಿಸಲು ಮೃತ್ಯುವಿಗೆ ಸಾಧ್ಯವೇನು?
ಅರಾಜಕತೆಯ ನೋಡಿ ಸುಮ್ಮನೆ ಕೂರುವ ಸಾಮಾನ್ಯನಲ್ಲ..
ಗುರುವಿನ ಮಾತಿಗೆ ಬೆಲೆಕೊಡುವ ಗುಣಕ್ಕೆ ಸರಿಸಾಟಿ ಇಲ್ಲ..
ಎಂದೂ ಬಯಸಲಿಲ್ಲ ಪದವಿಯ..
ಆದರೆ ನಡೆಸಿಕೊಡು ಜನರ ಪ್ರೀತಿಯ ಮನವಿಯ..
ಉಗ್ರಶ್ರವಾ.. ಉಗ್ರಶ್ರವಾ..
ಗೆಲುವೂ ಎಂದೂ ನಿನ್ನದೇ..
ಉಗ್ರಶ್ರವಾ.. ಉಗ್ರಶ್ರವಾ..
ನಿನ್ನೆದುರಿಸುವ ಗಂಡೆದೆ ಎಲ್ಲಿದೆ??
ಉಗ್ರಶ್ರವಾ.. ಉಗ್ರಶ್ರವಾ..
ಜಗವೂ ದಾರಿಯ ಕಾಣದೆ..
ಉಗ್ರಶ್ರವಾ.. ಉಗ್ರಶ್ರವಾ..
ನಿನ್ನ ಸಹಾಯ ಬೇಡಿದೆ..
23 авг 2024
