"Unut Məni"
Şeir:#MəmmədAraz
Səs:#MehribanZəki
Dilim dinməz, kirpiklərim səs elər,
Necə xoşdur? ürəyimi kəs elə.
Qalan ömrə yarım ürək bəs elər,
Unut məni, aldat məni, at məni.
Enişi qar, yoxuşu qar bu yolun,
Yad nəfəsdən buz qayası su olu.
Yalan yolu beş addımlıq su yolu,
Aldat məni, unut məni, at məni.
Sən ömrünün atəşində yananda,
Kölgəndən də gərəksizdim yanında.
Qiymətli bir itik saxla yadında,
Unut məni, aldat məni, at məni.
Gözdən gözə körpü salmaq nər işdir,
Baxışların meylini tez dəyişdi.
Təzə addım özü təzə döyüşdü,
Aldat məni, unut məni, at məni.
Bu sevdadan nə yetirdik, nə üzdük?
Dalğasında nə qərq olduq, nə üzdük.
Axır səni düzdə qoydu bu düzlük,
Unut məni, aldat məni, at məni.
(Məmməd Araz) 1 sentyabr, 1981
#PoeziyaKlubu #Poeziya #Şeir #Şair #Şeirlər #Ədəbiyyat #Edebiyyat #XəzərSüleymanlı #Bakı #Azerbaycan #VaqifSemedoglu #RamizRövşən #BəxtiyarVahabzadə #NərimanHəsənzadə #Sözlər #RamizRovshan #RamizRovsen
23 фев 2021
