Urgutning xushmanzara tabiati 

Agar siz Samarqandga tashrif buyurib, shaharning barcha me'moriy obidalarini ko'zdan kechirganingizdan so'ng, xushmanzara tabiatdan bahramand bo'lishni istab qolsangiz, albatta, shahardan 40 km janubi-sharqda joylashgan Urgut shahriga boring. Urgut Zarafshon tog'larining etagida, 1000 metr balandlikda joylashgan bo’lib, Qashqadaryo viloyati bilan chegaradoshdir. Urgut shahri tog'lar bilan o'ralgan va butun hudud gullar, ignabargli va mevali daraxt bog'lari bilan qoplangani sharofati bilan havosi toza va musaffodir. Urgut tog' yo'llari Qoratepa tog' tizmasining granit platosiga olib boradi. Bu shamol va yirtqich qushlar - havo oqimlariaro bulutlar orasida deyarli harakatsiz charx uruvchi bahaybat oqboshli qumoylar hukmronlik qiladigan butun bir g’aroyib qoyalar mamlakati. Bahor damlarida dashtda son-sanoqsiz qizil va sariq lolalar, pushti ferulalar va sirach gullari yal-yal bo’lib yonadi. Ushbu tabiat maskanlarida tabiat go'zalligidan bahra olib, toza havoda dam olishingiz, oqar daryoda suzishingiz va, albatta, tog' so’qmoqlari bo'ylab sayr qilib, tanangizga shifo baxsh etishingiz