Urmiya gölü atom bombasına görə qurudulur - BAKU TV
Aktual xəbərlərimiz
• Tünzalə Ağayeva : Həya...
• Şəhidin bəy otağı bəzə...
• İran hərbi təlimlərind...
İranda molla rejiminin yürütdüyü plansız və Güney Azərbaycanın təbiətinə laqeyd münasibətin nəticəsində Urmiya gölünün artıq 90 faizi quruyub. Vaxtı ikən su həcmi 31 milyard kubmetr olan göldə indi cəmi 3 milyard kubmetr su qalıb. Bu faciəli vəziyyətlə bağlı isə İran hökuməti nə özü bir tədbir görüb, nə də beynəlxalq təşkilatlar, böyük ölkələr tərəfindən uzadılan yardım əlini qəbul edib. Sən demə fars rejiminin Urmiya gölünü məhv etməkdə başqa məqsədi var. Güney Azərbaycan milli oyanış hərəkatının lideri Mahmudəli Çöhrəqani fars rejiminin ekoloji terrorurunun gerçək səbəbinə aydınlıq gətirib.
O qeyd edib ki, Urmiya gölü atom bombasına görə qurudulur.
“Dünyada çox mühüm və baha olan bir maddə var. İran onu axtarır. Bu, urandır”, - deyə M. Çöhrəqani əlavə edib.
Urmiya gölü ilə bağlı yaranan faciəli durumun acı nəticələri haqqında mətbuatda gedən xəbərləri ağrı-acısız oxumaq mümkün deyil. “Təbrizin səsi” və “Öyrənci” qəzetlərinin yazdığına görə, gölün quruyan hissələrində yaranan ağır ekoloji vəziyyət buradan 40 kəndin sakinlərinin başqa bölgəyə köçməsinə səbəb olub. Güney Azərbaycan əhalisinin öz dədə-baba yurdundan çıxması, süni mühacirət üçün Tehran hakimiyyətinə əlavə fürsət verib.
Əhalisinin sayı 3-4 milyon olan bir bölgənin boşalması, onların çoxunun farsdilli yaşayış yerlərinə axını indiki və gələcək nəslin milli kimlikdən uzaqlaşma işini asanlaşdırar. Buna görə də bu məsələ hər bir türkü düşündürüb, narahat etməlidir. Urmiya gölünün fəryadına, harayına səs verilməli, onun dərdinə çarə axtarılmalıdır.
Baku TV dünyanın hər yerindən ən aktual və mühüm xəbərləri yayımlayan xəbər agentliyidir. Öz məzmunumuzdan əlavə, müəllif hüququ ilə qorunan xarici məzmundan istifadə etməyimiz kommersiya məqsədi daşımır.
Sosial şəbəkələrimiz
/ www.baku.tv
/ bakutvofficial
/ bakutvofficial
t.me/bakutvxeber
www.baku.tv
Urmiya gölü atom bombasına görə qurudulur
© 2022 © All Rights Reserved ℗ Baku TV
#urmiyagolu #qurudulur #atom
10 сен 2024