Wakazi wa Kata ya Muyama wilayani Buhigwe mkoani Kigoma ameiomba Serikali kuingilia kati changamoto ya kutozwa Sh20,000 kwa ajili ya kupatiwa kibali cha kufanya mazishi.
Pia wamesema Manispaa hiyo imepitisha tozo ya Sh20,000 kwa ajili ya kulipia kibali cha kufanya sherehe ya asili yenye lengo la kutoa zawadi kwa wanandoa na waliojifungua kwa jamii ya kabila la Waha maarufu kama "Kugemula".
Akizungumza kwenye Mkutano wa hadhara wa Chama cha Demokrasia na Maendeleo (Chadema) uliofanyika jana katika uwanja wa Shule ya Msingi Nyanga wilayani Buhigwe mkoani humo, Lameza Philipo alisema kibali hicho kinatolewa na Mwenyekiti wa kijiji.
Akizungumzia suala hilo, Afisa Tarafa ya Muyama mkoani Kigoma, Eliya Michael bila kutaja idadi ya waliotozwa na sababu za uanzishwaji wake alipiga marufuku Wenyeviti wa Vijiji vya Halmashauri hiyo kuwatoza wananchi fedha kwa ajili ya kuwapa kibali cha maziko huku akitishia kujiuzulu wadhifa wake endapo atabaini kuna mwananchi ametozwa Sh20,000 kwa ajili ya kulipia kibali cha mazishi ya mpendwa wake.
5 сен 2024
