2-ci Qarabağ müharibəsi şəhidlərinin əziz xatirəsinə həsr olunur. Vətən müharibəsi şəhidlərini hörmətlə yad edir, ruhları qarşısında baş əyirik...
Videoda olan şeirlər:
1) Şəhidlər ölməz
Müəllif: Elvin Elxanoğlu
Kim deyir səhidlər ölür, yalandı,
Şəhidlər torpağa yeni can verir.
İllərdir yaralı idi Qarabağ,
Şəhidlər,qazilər ona qan verir.
Tarix unutmayır qəhrəmanları,
Bugün Qarabağda dastan yazıldı.
Vətən torpağına göz dikənlərin,
Alnına əbədi damğa basıldı.
Vətənə canını qurban dəyərək,
Ölümsüzlük yolun seçdi şəhidlər.
Vətən torpağını azad edərək,
Ömürlük tarixə keçdi şəhidlər.
2) Qarabağ artıq azaddır
Müəllif: Elvin Elxanoğlu
Dalğalandı Qarabağda,bugün zəfər bayrağımız,
Heç vaxt yerdə qalmayacaq,axıdılan qanlarımız.
Düşmənlərdən təmizləndi,dədə-baba torpağımız.
Canlarını fəda edən,şəhidlərin ruhu şaddır.
Xəbər olsun Mübarizə, Qarabağ artıq azaddır!
Məhv elədi düşmənləri,dastan yazdı şanlı ordu,
Xocalıda öldürülən hər can üçün hesab sordu.
Baxın görün otuz ildə neçə oğul şəhid oldu,
Cənnətdədir onlar bugün, şəhidlik ən uca addır,
Deyin Polad Həşimova, Qarabağ artıq azaddır!
Qarabağ türk torpağıdır, yenə elə qalacaqdır,
Qarabağa göz dikənlər başlarından olacaqdır.
Şanlı ordum yenilməzdir, daim zəfər çalacaqdır,
Qarabağ Azərbaycandır,gerisi cəfəngiyatdır!
Səhidlərim, qazilərim, Qarabağ artıq azaddır!
3) Ağlama ana
Müəllif: Elvin Elxanoğlu
Bu gün şəhadətə yuksəlmişəm mən,
Təki bölünməsin qoy ana vətən,
Ruhum sizinlədir, köçübdür bədən,
Qoymadım düşməni girsin yurduma,
Fəxr elə oğlunla, ağlama ana !
Şəhidlik ən uca zirvədir inan,
Bunu təsdiq edir müqəddəs Quran,
Mənəm o əlçatmaz zirvədə duran,
Cənnəti bəxş edib Rəbbim quluna,
Fəxr elə mənimlə, ağlama ana !
Vətəni canımdan üstün bilmişəm,
Xalqım tərəfindən mən sevilmişəm.
Türkəm, bir ölmüşəm, min dirilmişəm,
Qəhrəman deyirler sənin oğluna,
Fəxr elə mənimlə, ağlama ana !
Xalqıma son sözüm budur nəhayət,
Ailəm və torpağım sizə əmanət !
Tanrı şəhidinə veribdir qiymət,
Üzü ağ gedirəm mən hüzuruna,
Fəxr elə oğlunla, ağlama ana !
4) Mənim atam qəhrəmandır
Müəllif: Elvin Elxanoğlu
Kim deyir ki darıxmıram,
Darıxıram atam üçün,
Vətənçün canından keçən,
O qəhrəman adam üçün.
Mən bir şəhid övladıyam,
Bütün ölkə bilir onu,
O bir xalq qəhrəmanıdır,
Azərbaycan sevir onu.
Vətən uğrunda döyüşüb,
Vuruşubdur ən qabaqda.
Hər bir şəhid, qazi kimi,
Dastan yazıb Qarabağda.
Ölməyib ki, şəhid olub,
O bizi görür bilirəm.
Mənim atam qəhrəmandır,
Mən onunla fəxr edirəm!
5) Şəhidlərin dilindən
Müəllif: Elvin Elxanoğlu
Bu dəfə üzrlü hesab et məni,
Bayramıdır, hədiyyə verə bilmədim.
Bayramın mübarək olsun ay anam,
Bu dəfə əlindən öpə bilmədim.
Sənin də bayramın mübarək bacım,
Bağışla, yanına gələ bilmirəm.
Hər bayram gül alıb gələrdim amma,
Cənnət çox uzaqdır, gələ bilmirəm.
Yoldaşım, ürəyim, canım, sevdiyim,
Sənə əmanətdir bütün hər şeyim.
Vətəndir uğrunda candan keçdiyim,
Onunçün canımdan necə keçməyim?!
Nolar, ağlamayın arxamca mənim,
Gözünüzdən axan yaşları silin.
Rəbbim dərgahına aparıb məni,
Sizlərə Cənnətdən baxıram bilin.
6) Əziz Şuşa sən azadsan
Müəllif: Elvin Elxanoğlu
Əziz Şuşa, sən azadsan,
Torpağında yağı gəzmir.
Dağlarının zirvəsində,
Daha qara yellər əsmir.
Səni azad etmək üçün,
Bilki dastan yazılıbdır,
Əl uzadan düşmənlərin,
Məzarları qazılıbdır.
Bundan sonra Xarı Bülbül,
Qorxa-qorxa açmayacaq,
Qədim Şuşa qalasına,
Düşmən ayaq basmayacaq.
Gövhər Ağa məscidindən,
Ucalacaq əzan səsi.
Daşaltısı,Cıdır düzü,
Müqəddəsdir hər bölgəsi.
Əlbəttə ki gözəl Şuşa,
Qarabağın incisidir.
Mədəniyyət sahəsində,
Dünyanın birincisidir.
Gözəl Şuşa, sən azadsan,
Sağalacaq yaraların ,
Artıq sənə qovuşacaq,
Doğmaların, yaxınların.
Mədəniyyət paytaxtıdır,
Beşiyidir musiqinin.
Vətənidir Natəvanın,
Bülbül, Nəvvab, Üzeyirin.
Yenə yarışlar olacaq,
Tarixi Cıdır düzündə.
Yenidən qurulacaqdır,
Məktəbin də, muzeyin də.
İsa bulağı gözündən,
Daha qan,yaş tökməyəcək.
Birdə Şuşa əhalisi,
Yurdlarından köçməyəcək.
Üzeyirin, Natəvanın,
Bülbülün ruhu şad oldu.
İgidlərin sayəsində,
Şuşa yenə azad oldu.
Allah rəhmət etsin bütün,
Canlarından keçənlərə,
Şəhadətə ucalaraq,
Cənnətinə köçənlərə.
7) Mən şəhidəm
Müəllif: Elvin Elxanoğlu
Mən şəhidəm,ölməmişəm...
Şəhidlər ölməzdir axı,
Ölməmişəm, yaşayıram.
Dönüb vətən torpağına,
Torpağıma qarışmışam,
Sarılaraq bayrağıma,
Bayrağıma qarışmışam.
Mən şəhidəm, ölməmişəm...
Şeirlərdə, qəzəllərdə yaşayıram,
Rəsmlərdə,filmlərdə,əsərlərdə yaşayıram.
Xalqımın qəhrəmanıyam,
Heç zaman unudulmuram,
Könüllülərdə yaşayıram.
(qısaldılıb - tam şeiri videodan götürə bilərsiniz)
Etiketlər:
#animgunu #zeferseirleri #sehidler
2 ci qarabag müharibəsi şəhidləri
2 ci qarabag muharibesi sehidleri siyahisi
Vətən müharibəsi qəhrəmanları
Şəhidlər haqqında şeir
şəhidlər haqqında şeirlər
Sehid haqqinda seir
Şəhidlər şeiri
sehidler seiri
Elvin Elxanoğlu şeirləri
ən yeni şeirlər
elvin elxanoğlu
qarabağ şəhidləri
qələbə şeirləri
zefer gunune aid seirler
27 sentyabr anım günü
anım günü üçün şeirlər
Zəfərə aid şeirlər
zəfər günü
Qarabağ zəfəri
zəfər şeirləri
29 сен 2024