Vətən müharibəsində ölən erməni məşhurlar kimlərdir? - Baku TV
Vətən müharibəsindən 1 il ötür. Azərbaycan Ordusu ötən il 44 gün ərzində Ermənistan Ordusunu və onun möhkəmləndirilmiş hərbi mövqelərini darmadağın edərək, 30 illik işğala son qoydu.
Döyüşlərdə rəsmi məlumatlara görə, 4 min, qeyri-rəsmi məlumatalara əsasən isə 7 minədək erməni hərbçi və onlara qoşulan muzdlular məhv edilib. Zərərsizləşdirilənlər arasında bir sıra məşhur ermənilər də var. Hətta qeyd edək ki, hərbi əməliyyatlarda iştirak etməyən bir çox məşhur erməni də məğlubiyyətin verdiyi mənəvi stress fonunda ölüb.
Onlar arasında Birinci Qarabağ müharibəsinin iştirakçısı, hərbi cinayətkar Manvel Qriqoryanı qeyd etmək olar. O, Ermənistanın Qarabağ məğlubiyyətinin şokundan ölmüşdü. Birinci Qarabağ müharibəsində Şuşanın işğalına rəhbərlik etmiş general-mayor Arkadi Ter-Tadevosyan da 44 günlük savaşın ardından ölmüşdü. Keçmiş döyüş yoldaşları “Arkadini Şuşanın itirilməsinin acısı öldürdü”, - deyə onun qəfil ölümünü şərh ediblər.
44 günlük hərbi əməliyyatlar dövründə məhv edilən erməni məşhurların siyahısına da diqqət yetirməkdə fayda var. 2020-ci il oktyabrın 5-də “Alaşkert-2” klubunun oyunçusu - 22 yaşlı Liparit Daştoyan Qarabağ döyüşlərində öldürülən tanınmış ermənilərdən idi.
Qarabağ uğrunda gedən döyüşlərdə triatlon və pauerliftinq üzrə Ermənistan çempionu Tatul Arutunyan da məhv edilib. O, oktyabrın 4-də öldürülüb.
Oktybarın 21-də İrəvan Dövlət Pantomima Teatrının artisti 36 yaşlı Ovannes Acinyan öldürülüb.
Yerevanın “Lokomotiv” klubunun yarımmüdafiəçisi, 18 yaşlı Erik Saryan oktyabrın 17-dəki döyüşlərdə öldürülüb.
Qarabağ döyüşləri sırasında top atışı zamanı çəkilən fotosu ilə məşhurlaşan 19 yaşlı Albert Ovannisyan sentyabrın 29-da məhv edilib.
Döyüşlərdə “Qara pantera” könüllü hərbi birləşməsinin komandiri, Ermənistan parlamentinin eks-deputatı Rüstəm Qasparyan da öldürülən məşhurlar sırasındadır. O, 26 yaşlı oğlu Rafael Qasparyanla birlikdə dron zərbəsi zamanı məhv edilmişdi.
Ermənistanın gənclərdən ibarət basketbol komandasının oyunçusu Aram Mkrtçyan da döyüşlərə qatılmışdı. Onun cəsədi 2021-ci ilin aprelində Cəbrayıl rayonu istiqamətində tapılıb.
“Erməni Milli Konqresi”nin üzvü, eks-deputat David Matevosyan oktyabrın 23-də Xocavənd rayonu istiqamətində məhv edilib.
________________________________
Pulsuz Elanlar:www.tut.az
Website: www.baku.tv
Bizi izləyin: bit.ly/2Y75DEU
****
Bizi Sosial Şəbəkələrdə izləyin
Facebook: / www.baku.tv
Instagram: / __baku_tv__
Tiktok: vm.tiktok.com/...
****
Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır
****
2018/2021 © All Rights Reserved ℗ Baku TV
#BakuTv #Azerbaycan #trend
2 окт 2024