tratto da "Lu pisu di lu duluri"
Undici canti sulla storia del Meridione
e due poesie recitate da Ignazio Buttitta
a cura di Valentino Santagati e Cristiano Vavalà
(1993)
La libertà (La palummedda bianca)
Caterina Bueno, voce
Valentino Santagati, voce e chitarra
Cristiano Vavalà, chitarra solista e voce nel controcanto finale
La palummedda bianca
prijau, prijau, prijau.
La palummedda bianca
prijau, prijau, prijau,
ma nenti cuncirtau
ccu lu tirannu re,
tirannu re,
tirannu re.
La palummedda bianca
suffrìu, suffrìu, suffrìu.
La palummedda bianca
suffrìu, suffrìu, suffrìu,
all'ulrtimu rumpìu,
nun potti stari cchiù,
nun potti cchiù,
nun potti cchiù.
Lu dudici jinnaru,
jurnata di valuri.
Lu dudici jinnaru,
jurnata di valuri,
sparmau lu tri culuri,
vosi la libertà,
la libertà,
la libertà.
Vinniru li surdati
ccu baddi e ccu cannuna.
Vinniru li surdati
ccu baddi e ccu cannuna,
cci dèsimu li pruna,
spareru e 'un vennu cchiù,
'un vennu cchiù,
'un vennu cchiù.
La palummedda bianca
Diu la crijau rrigina.
La palummedda bianca
Diu la crijau rrigina;
'nsignata a la catina
la palummedda 'un cc'è,
nun cc'è, nun cc'è,
nun cc'è, nun cc'è.
La palummedda bianca
nun timi li farcuni.
La palummedda bianca
nun timi li farcuni.
Nun vosi cchiù Burbuni,
lu dissi e accussì fu,
accussì fu,
accussì fu.
La palummedda bianca
manteni la palora.
La palummedda bianca
manteni la palora:
Burbuni nesci fora
e nun cci trasi cchiù,
nun trasi cchiù,
nun trasi cchiù.
La palummedda bianca
si voli maritari.
La palummedda bianca
si voli maritari.
Ma prima s'ha a cunsari
lu nidu a vogghia so',
a vogghia so',
a vogghia so'.
Cci ha a fari lu cuntrattu,
prima lu parramentu.
Cci ha a fari lu cuntrattu,
prima lu parramentu.
Lu sposu, s'è cuntentu,
veniri allura po',
allura po',
allura po'.
Piu Nonu binidici
la Bedda ca zzitìa.
Piu Nonu binidici
la Bedda ca zzitìa.
Fora la tirannia,
viva la libertà,
la libertà,
la libertà.
Fora la tirannia!
Viva la libertà!
La libertà!
La libertà!
14 окт 2024
