අනුරුද්ධ සූත්‍රය ඇසුරින් සතුටින් සිටීම පුරුදු කිරීම පිලිබඳ මෙම ධර්ම දේශනාව නිවන් අවබෝධය සඳහා ධර්ම මාර්ගය පුහුණු කරන්නන්ට ඉතා වටිනා වේ.
අනුරුද්ධ සූත්‍රයේදී බුදුරජාණන් වහන්සේ දේශනා කරනා පරිදි මේ ධර්මය, ලද දෙයින් සතුටු වන්නාටය.
මෙම කියමන සරල ලෙස පෙනුනත් එහි ඇතැම් කරුණු බොහෝ කල් දහම් මග ප්‍රගුණ කරන අයට පවා පහසුවෙන් හසු නොවෙන සියුම් කරුණු, කරනා වලින් සමන්විත වේ.
මෙම දේශනාවට මනාව සවන් දෙන අයට තමන්ගේ සතුට නැති කරගන්නා එබඳු සියුම් කරුණු පිළිබඳව හොඳ ප්‍රායෝගික වැටහීමක් ඇතිවේ.
එබඳු එක් කරුණක් නම් ගුණ ධර්ම පුරනා අය විසින් සමාජයේ සෙසු අයත් මේ, මේ ආකාරයට පැවතිය යුතු යැයි තමන් විසින් සදා ගන්නා නොයෙකුත් මානසික රාමු තුල සිරවී ඒ තුලින් තම සතුට නැති කර ගැනීමයි.
සමාජයට හෝ තම පවුලට අවශ්‍ය තැන යහපත් ගුණ ධර්ම අප කියාදිය යුතු වූවත් ඉහත දැක්වූ අයුරින් රාමුවක් තුල කොටුවීම නිසා මානසික, වාචසික ගැටුම් පමණක් නොව අධි මානයන් තුල පවා අප කොටුවී සතුට නැති කරගන්නා තත්වයන්ට පත්වීමට පුළුවන.
එයට අමතරව එබඳු වටිනා කරුණු රැසක් මෙම දේශනාවේ ඇතුලත් වේ.
මෙම දේශනා මාලාව ඇතුලත් වෙබ් පිටුවට මෙතනින් පිවිසෙන්න: bit.ly/30IGp0M
මෙම පිටුවට ඉදිරියේදී අනුරුද්ධ සූත්‍රය පිළිබඳව පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සිදුකල ඉතිරි ධර්ම දේශනා එකතු කෙරෙනු ඇත.
8 сен 2024
