Veru li x-xitan kien wieħed mill-aqwa anġli li ħalaq Alla?
Meta, minn qabel il-ħolqien tad-dinja, Alla wera lill-anġli li fi żmien partikolari kellu jibgħat lil Ibnu fid-dinja u minn Alla jsir bniedem u li l-anġli kellhom jaqdu lill-bnedmin (naraw eżempji fil-Bibbja: Mikiel, Rafel, Gabriel, eċċ.. u l-Knisja tgħallimna li kull bniedem għandu l-anġlu kustodju) din ix-xitan u anġli oħra ma aċċettawhiex għax ippretendew li la huma aqwa mill-bniedem, il-bniedem kellu u għandu jkun li jservi lill-anġli.
B’konsegwenza saru xjaten u Alla ħoloq infern għalihom!
Bħala anġli huma kienu liberi 100% li jagħżlu jobdux il-kmand t’Alla jew le. Kien għalhekk li Alla ma togħhomx ċans jaħsbuha aktar minn darba!
Il-bniedem, meta waqa’ fid-dnub u ħadha kontra l-kmand t’Alla, Alla tah iċ-ċans u jibqa’ jagħmel dan sal-aħħar ta’ ħajtu għax il-bniedem m’għandux liberta’ 100% li jiddeċiedi instantanjament deċiżjoni li jkollha konsegwenzi eterni fuqu. Il-bniedem limitat.
Lix-xitan Alla ma neħħielux il-qawwa li biha ħalqu bħala anġlu, għalhekk fl-attivita’ kontinwa tiegħu li jipprova jieħu miegħu lill-bniedem l-infern għax jgħir għalih għax Alla lill-bniedem tah l-ogħla dinjita’!
Filfatt Alla ma sarx anġlu biex isalva l-anġli imma sar bniedem biex isalva lill-bnedmin!
Għas-Sors u għal aktar Punti ta' Tagħlim Nisrani u Talb mur: l-ewkaristijau...
15 сен 2024