This is a very rare and old solo recording of Haji Ghulam Farid Sabri depicting the martyrdom of Hazrat Imam Hussain (RA) at Karbala, a special upload for the month of Muharram. The description is about the encounter between Hz Imam Hussain (RA) and his rival commander at the battle of Karbala, Shimr.
Ghulam Farid Sabri sang total 14 stanzas of 6 lines each i.e. total 84 lines in just a little above 6 minutes in this audio. We can observe that, incredibly, his energy level keeps on increasing with each stanza till the end without even slightly erring on with the notes, which exposes his immense energy and musical talent.
I have provided the lines in the video as some words may not be clear to follow in this old recording. The lyrics are written down correctly to the best of my listening ability, but still if anyone finds any mistakes please do point them out so that I can correct them in description.
========================
0:00 #1
Tole hue khanjar jo badha Shimr e sitamgar
Farmane lage sayyed e wala Shah e Abrar
Ai Shimr samajhta hai hamein bekas o laachar
Hain hum to faqat marzi e Maula ke talabgar
Tasleem ki manzil mein hain, paband e rasaan hain
Warna tujhe batlayen ke hum kaun hain kya hain
0:34 #2
Hum woh hain ke Isa ko maseeha kiya humne
Aur murda e sad saala ko zinda kiya humne
Nau-umr Zulekha ko dobara kiya humne
Butkhane ko ek aan mein Kaaba kiya humne
Taalib hai khuda jiska woh matloob hamee hain
Allah ke mehboob ke mehboob hamee hain
1:00 #3
Asrar e haqeeqat ko liye chashm e bashar hai
Jo apni nazar hai wohi Khaliq ki nazar hai
Paani ki tamanna nahi warna ye khabar hai
Ai Shimr mere khushk labon mein woh asar hai
Kardun je ishara abhi kausar utar aaye
Har hoor liye haath mein saghar utar aaye
1:24 #4
Nana hain mere khatm e rusool baap Ali hai
Ai Shimr Hassan bhai hain, maa bint e nabi hai
Kehte hain sakhawat jise woh ghar mein pali hai
Nadaan nasihat tujhe is waaste ki hai
Daulat ke nashe mein kahin sarshaar na hojaye
Khoon mera bahakar tu gunahgaar na hojaye
1:52 #5
Ai Shimr yateemon ka rulana nahi achha
Kaabe ke musafir ka satana nahi achha
Quran ko sar e khaak girana nahi achha
Rehbar se nigahon ka churana nahi achha
Momin pe sitam sahib e iman nahi karte
Ahmed ke muraffe ko pareshan nahi karte
2:20 #6
Hum aale payambar hain adab chahiye tujhko
Rooh e tan e haider hain adab chahiye tujhko
mehboob ke dilbar hain adab chahiye tujhko
Mehman tere ghar hain adab chahiye tujhko
Qarha banaye Shimr ye khanjar mere khoon mein
Bharta hai ab bas khaak sitamgar mere khoon mein
2:45 #7
Sab hujjatein jab kar chuka woh hujjat e maula
Baqi na raha koyi naseehat mein shafeeqa
Samjhadiya har tarah se kissa manuton ka
Afsos na samjha sitam-ijaaz na samjha
Mutlaq na hua iska asar Shimr e Laeen par
Tayyar hua aur bhi qatl e shah e zee par
3:12 #8
Bola bhi to ye bola pase hujjat o takrar
Jo aapne farmaya baja hai Shah e Abrar
Kaafir hai kare ismein zara bhi koyi inkar
Par hatim e phupa se ye kar aaya hoon iqrar
Maidan mein begardan e Shabbeer karunga
Bosa-gaah e ahmed tah e Shamsheer karunga
3:40 #9
Sunkar ye sukhan taish mein kuch aagaye Shabbir
Farmane lage Shimr se o zalim o bepeer
Patthar bhi pighal jaata jo sunta meri taqreer
Lekin na tere dil pe zara bhi hui taseer
Ab Ahmed e murshid ke nawase ke jaza dekh
Haan teen shab o roz ke pyase ki fighan dekh
4:07 #10
Phir tegh mayaan e Shah e Abrar se nikli
Lehrati hui fauj e jafakar se nikli
Balkhati hui harkat e agyar se nikli
Maidan mein chali, daman e kohsaar se nikli
Buzdil ki khabar thi na dileron ka pata tha
Muh dekh ke faujon ka lahu khushk hua tha
4:35 #11
Betaab thi barson se machalti hui aayi
Rang-e-rukh-e-aghyar badalti hui aayi
Laashon ko lain ke kuchalti hui aayi
Pee pee ke lahu aag ughalti hui aayi
Faujon ki sada aati thi Shabbeer aamaade
Ai sarshikan e sahib e Shamsheer aamaade
4:59 #12
Itne mein sada Ahmed-e-Mukhtar ki aayi
Bas rok lo ab haath ko ai haq ke fidai
Kya aaj mitaadoge zamaane se khurdayi
Ye ummat-e-aasee tumhein deti hai duhai
Beta teri haibat se malak kaanp rahe hain
Ye ran hi nahi tha to falak kaanp rahe hain
5:26 #13
Bas sabr karo inke mazalim pe na jaao
Wada jo ladakpan mein kiya tha woh nibhao
Is ummat-e-aasee ko jahannum se bachao
Ai ashiq-e-baari mere aghosh mein aayo
Ab waqt bahut kam hai shahadat ka maza lo
Ai lal tah-e-tegh gala apna katado
5:53 #14
Sunkar ye sada rok li shamsheer-e-shararbaar
Le le ke kamaanon mein badhe teer jafakar
Chhanni hua nezon se Mohammed ka gulezar
Ghash aake gira ghode se firdaus ka mukhtar
Zarr hue jo Shahenshah-e-Zaman daaman-e-dil par
Aakhir ye hua ghul ke gira arsh zameen par
Disclaimer: No monetary benefits are intended from any videos on this channel. This channel is only meant to acquaint the listeners with rare or hard-to-find renditions of Sabri Brothers.
For more information on Sabri Brothers and Maqbool Sabri please visit maqboolsabri.wordpress.com
If anyone wants to contact me, please write to me at flowerofeden2296@gmail.com
30 июн 2024
