انا كنت كيفك تايهة ومعرفتش نبدا حكمت ورقة كتبت فيها الدروس في جميع المواد لي مزلت مقريتهمش وجمعت البكالوريات وبديت نقرا الدروس بالتدرج ونحل معاهم بكالوريات في نفس الوقت بالشوي بالشوي خلاصو التراكمات والحمدلله جبت الباك وحققت حلمي ودخلت مدرسة عليا لي كنت حابتها في الولاية لي نحبها ونصيحتي لولة واللخرة ابداو تقراو ومتفقدوش الامل طول لانو متعرفوش وين ربي حاطلكم الخير ورغم الفشل والسقوط وليو انهضو ديرو لي عليكم اما النتيجة بايد ربي وممكن تجيبو نتيجة متوسطة لكن ربي يطيحكم في تخصص فيه صلاح ليكم وقبل كلش ديرو استخارة لانو ربي اعلم باللي فيه صلاح ليكم كملو بالطاقة الايجابية اتكلو على ربي وابداو وتوصلو لاعلى المراتب ان شاء الله ❤❤❤❤ بالتوفيق لجميع الطلاب 🎉🎉
تعيشي ختي قوليلي على الماط والله راني تعاود والدوال من الصفر وحنا رانا في جانفي راهي تديلي يومي كامل والتمارين مزال مابديت واش ندير معاها😞😞والله كرهت راني في حالة غير ربي الليعلابالو بيا تعيش قوليلي كفاه نبدا
هاذا وبن خرجلي فيديوك وراح ندير اشتاراك حبيتك والله استمري وحفزتيني اكثر فالدراسة مع اني معاودة مي حمد لله نشالله السنة ننجحوا باحسن المعدلات 😘😘😘😘😘😘😘😘😘💗💞😇😇😊😊🌹🌹🌹🌹🌹💀فتيات القوة بالمرصاد تياياياتاا😅😂
هادي عامين من لي ديتو الحمد الله و دركا راني طالبة طب 🩵 كلشي يفوت والله اسعاو و اتعبو على قد متقدرو خاصة لي عندو حلم مد كامل واش عندك اليوم باش تكون فخور بنفسك و فرحان و راضي بالنتيجة مهما كانت...لي مزال مبداش يبدا ميبقاش يسقسي الا يكفي الوقت ولا لالا لانو انت وحدك من يصنع الفارق تقدر تبدى دك و تدي معدل خيالي ماعليك غير تتوكل على ربي سبحانو و تكون متيقن يقين كامل بلي راهو مكتبلك الافضل ليك و انو انت عليك السعي و النتيحة عليه سبحانه...ولي بدا يكمل ماشي يفشل و يقول عييت و كرهت و مديتش مليح فالفصل الاول ....لانو هذا مش مقياس انت راك تقرا للباك و الباك مفيهش غير دروس الفصل الاول + مش كي مديتش مليح معناه خلاص لالا بالعكس خليه تحفيز ليك و اشارة ليك باش تعالج السبب دكا مدام مزالت عندك الفرصة و جااامي تقارن روحك بواحد اوخر ركز على نفسك و فقط...ولي راهو ماشي يكمل و مينساش انو ملازمش يتغر بنفسو و تديه هذيك الثقة الزايدة للهلاك لانو قادر يقرا و يتعب و كلش بصح تالمو يولي يستصغر الحاجة يولي يفقد التركيز تاعو و ميجاوبش كيما يلزم الحال يولي يستخف لالا لازم كل حاجة تمدلها حقها يالوكان 1+1 تخشع معاها و ديما خليك متواضع و تتقبل النصيحة و المعلومة من زملاءك و اساتذتك متبانلكش روحك خير منهم (لانو هادو شفناهم في الاخير كيفاه مساكن تصدمو صدمة حياتهم) و نصيحة من قلبي متفرطوش ابدا مهما صار في صلاتكم خلوها على قد متقدرو في وقتها و ديما ظيما ديما ديما ادعيو دييييمااااااااااا و كي تكونو تقرا ساعة ساعة اذكرو ربي استغفرو شهدرو + طريقة من الباك و انا متبعتها الى حد الان و الحمدلله فضلها كبير بزاف هي انو تخليو مصحف قدامكم كل متجيو تبداو درس ولا كل متحسوها ضاقت بيكم اقراو صفحة راح تلاحظو الفرق ❤ طولت عليكم بصح حبيت ننصحكم من قلبي ولي عندو اي سؤال ولا يتفضل نعاونو
عندك العلوم لي الحمد الله تحصلت فيها على 19.5 كانت طريقتي اني نركز على فهم الدرس اكثر من حل التمارين ...يعني نقدر نقلك التمارين كنت نحل غير تاع الدروس الخصوصية و تاع ليسي تعنا + ساعات كي نتلاقى تمرين في الانترنت يعجبني نحلو لكن الدرس كنت صح صح نمدلو وقت نقراه اول مرة في الدروس الخصوصية و نزيد نتفرج على الاستاذة كتفي شريف فيديوات ملخص الوحدات الشاملة حقا نستفاد منو بزاف و الا بقى عندي التماس ولا نزيد نشوف على الاستاذة خيرة فليتي (شفتها خصوصا في محور الانزيمات ) و في الاخير ندير ملخص شامل للوحدة فيه جميع المعلومات تاع الدرس و المعلومات الاضافية لي تلاقيتها في التمارين و من اليوتيوب و هكذا حتى كملت جميع الوحدات و في ايام المراجعة كنت نراجع غير الملخصات تاعي + الافكار تاع التمارين
الرياضيات كنت معتمدة بنسبة كبيرة على الدروس الخصوصية نتم نفهم الدرس نعرف القوانين لي كاينة و نحل مع الاستاذ سلسلة التمارين مبعد كي نوالف شوي الوحدة هديك نولي نحل التمارين لي حاطها الاستاذ نورالدين (تمارين قمة و ممنهجة ) و كل مرة نتلاقى بفكرة كل مرة نصحح حاجة كل مرة تمشي يدي كتر وهكذا و في أخر الوحدة ندير ملخص نكتب فيه القوانين كامل و الافكار المكررة و نعين التمارين لي صح ملاح و يحتاجو نعادهم....في الاخير تقريبا بقى شهر على الباك وليت شفت تمارين صحيح و خطأ و اختر الإجابة الصحيحة تاع جوفر + امير الرياضيات و شفت من عند امير تاني فيديو المراجعات لي حاطهم تاني عاونني بزاف رتبت بيهم افكاري
اما الفيزياء فتاني كنت معتمدة على ليكور + الاستاذ زدون تفرجت الدروس كامل من عندو و في كل وحدة حتى نكمل ندير الملخص تاعي باش نحل التمارين و كل مرة نزيد فالملخص هداك الافكار المميزة لي نتلاقاهم في التمارين...الفيزياء تعتمد بزاف على النظري و على التعريفات ركزي عليهم...و لازم كي تكوني في وحدة مثلا الكهرباء ماشي تنساي الميكانيك طول لالا لازم ديما تحاولي تخلي مخك فراش لانك تبقاي تحلي فالتمارين...قد متحلي قد مامليح...و ننصحك بقناة هااااااايلة اكتشفتها غير فالاخير و ندمت بزاف كي معرفتهاش من الاول ولي هي "كريم الفيزياء" التمارين تاعو أروع ما يكون افكار متنوعة و كيما تاع الباك افكار هايلة تحسي روحك صح راكي تطوري في مستواك معاه تبعيه مش راح تندمي
خاوتي نعطيكم فكرة على حفظ التواريخ أنا ساعدتزي بزاف هي أني نطوي ورقة بيضة على ربعة و كل جزء نحط فيه مجموعة من التواريخ مثلا نكتب 1948 و نفتح عدة أسهم على حساب الاحداث للي فهذاك العام و نكتبهم بالترتيب هكذا رح تجيكم ساهلة فالحفظ قادر تكونو فالطريق مع الصباح و لا تحفظو خمس تواريخ في خمس دقائق بكل سهولة
كاندي شوكو تحبي حل مجرد اتخيلي برك بلي تشربي دم طفل فلسطيني صغير برك (او اتخيلي مناظرهم برك وحالتهم في هاد الحرب ) هذا كفيل يخلي الواحد مايقربش على المنتوجات الدعامة لهدوك .
طالبة حرة يعني حبت تعاود الباك تقدر تكون جابتو من قبل وتحوس على معدل عالي ولا تكون مجابتوش وحبت تجوزو حرة والقراية ايه تقرى فالدار من بعد تجوزو عادي الباك ان شاء الله تكوني فهمتيني 😅🤍
انا طالبة حرة و راني نقرى في جاميعة و في دو يمات عندي اختبارات راني لاهية غير مع اختبارات و باك سمحت فيه و راني خايفة بزااااف لخاطر تقريبا الباك مانيش قاريتله غايا خلاص تسمى خايفة منلحقش و مام جاميعة مانيش حاكمة روحي راني محتاجة نصيحة كيفاش نوفق بين الباك و لفاك 😭😭😭😭😭راني عييييييييت 😭😭😭
طالبة حرة يعني جوزت لباك من قبل وراهي تعاود فيه يا تكون جابتو وحبت تعاودو على جال المعدل يا مجابتوش وحبت تسجل احرار (يعني تقرى فالدار مشي فالليسي من بعد تجوز الباك عادي )ان شاء الله تكوني فهمتيني 😅❤️
فيزيك راني في الوحدة 2 و الوحدة 1 راني ضعيفة فيها ، سيونس راني بي الذات ولا ذات بصح خصني نراجع الوحدات الاولى لغة بديت قاع من 0 انجليزية الوحدة 1 فرونسي مابديتش اسلامية راني في المساوة التاريخ والجغرافيا كل يوم نحفظ و ننسا فلسفة هذا وين حفظت اول مقال قيمة الفلسفة
