He hla hi kan member Lalthanmawii dawn a ni a. Kan album 3-na 'Hmangaihna' tih, Kum 2005 a kan tihchhuah te zinga mi a ni. Vohbikten he hla kan zir hmasak ber hian an inah kan zir a. Kan thinlung a khawih em em a, kan hlimin kan lawm bawk a.. kan sa chhuak thei mang lo a ni.. A hla thu a ropuia min hneh bawk aniang, vawikhat phei chu sa hleithei lovin kan mittui a tla a, banglam kan inhawisan ta vek mai aa.. a tawkfang velah kan tawng thei chauh a ni.. kan hla zir boruak pawh a nuam thin hle. Tin, he hla hi Pathianin a hmang hle tih pawh kan hre zel a... a ropui kan tiin Pathian chungah kan lawm tak tak a ni.. Ama ropui nan kan hlan nawn leh bawk e.
Hnam dang ten thawnthu anga kal hla tha tak tak an nei a, rual awh ana hle thin. He hla hi Lal Isua tuarna chungchang Gethsemani atanga in tanin, Kraws-a khenbeh anih a misualte min Chhandamna a hlenchhuah na hla a ni.Mat 26: 36- 27:50, Mar 14:32-15:39 te hi Bible chang behchhana hman an ni. Ngaithlatu ten Thlarau malsawmna in chan ngei kan duhsak in kan beisei e.
9 сен 2024
