الله يعطيكم العافية شباب على هذه التغطية, السيارة جميلة ويبدو انها تحتوي على انظمة متطورة , هي عندها سمعة جيدة جدا ومحبوبة في بلادنا ان شاء الله يكون سعرها مناسب, بالتوفيق شباب
صراحه سياره حلوه ، جوده ممتازه ، وافضل شي سوته فولكس واجن انهم اضافوا الغيار الثقيل والدفلوك الخلفي والوسطي في الموديل الجديد ، ياريت لو كملوا وحطوا دفلوك في المقدمه صراحه يكون ممتاز جدا ،.... الشئ الوحيد اللي بيمنعني ان اشتري السياره هو ال air suspension لانه اكيد بيتخرب بعد 3 او 5 سنوات وقيمة تركيبه وخدمه الايدي العامله غااليه كثير ، وما تدري وين يتخرب عليك مكان بعيد ، المفروض المصنع يعطينا ضمان عليه مده عشر سنوات ، السيارات اليابانيه وكلائهم ممتازين مثلا وكيل تويوتا في سلطنه عمان عندهم خدمه السيارات 24 ساعه وضمان على السيارات لمده سبع سنوات او ست ،، وسياراتهم ما فيها air suspension ، يعني تسوق السياره مثل لاند كروزر وانت معتمد عليها في كل مكان حتى ولو انه سواقتها مش ممتازه نفس الطوارق،.. حتى رنجات التواير في الكروزر مقاس 18 ممتاز ومريح خارج الطريق ويكون متوفر في كل مكان ، ليش اروح اشتري سياره فورويل مقاس رنجاتها 20 وسعرها غالي و مو متوفره في بلدي ومش مريحه خارج الطريق ؟ ...... وشكرا
انا اثق في الصناعه الالمانيه من ناحية الجوده والامان بعد الله .. لكن اذا جينا للواقع نجد السيارات اليابانيه اكثر انتشار والان تنافسها السيارات الكوريه .. والقرار يعود الى الشخص نفسه حسب امكانياته الماديه ورغبته ..
السلام عليكم اولا:: شكرا لكم على التجربة الرايقة و الممتعه ،، تجربة مميزة ل سيارة اكثر تميز .. ثانيا:: الالماني افضل من الياباني بعدة اشياء(الجودة ، المواد المستخدمة ، انظمة الامان ، بلد التجميع و الصناعة ، الفخامة ، المميزات ، قوة جودته و تماسكه ، القوة قوة الخدمات بعد البيع، الميكانيكا) و طبعا له عيوب ولكن نذكرها بعد مميزات الياباني مميزات الياباني وخصوص لكزس:(قوة الوكيل ، السعر عند البيع ، السعر ارخص من الالماني ، قوة تماسكه و الجودة ، اسعار القطع و توافرها ، استمرار الجيل لسنوات(مثل اللاندكروزر له ٨سنين ما تغير الي معه ٢٠٠٨ زي الي معه ٢٠١٤كلها فيس لفت)) وهذي ميزة مهمة و يمتاز فيها الجمس و غيره... ثالثا:: عيوب الالماني(سعره مرتفع ، وكيله سيء ، سعره ينزل عند البيع ، سعر القطع غالي) عيوب الياباني (ضعف انظمة الامان ، قلة المميزات ، ردائة المواد المستخدمه ، بلد التجميع (تجميع القطع)حيث اغلب الياباني فتح مصانع بالصين للتجميع) شكرا لكم و الالماني لا يوجد له منافس الا شركتين (لكزس و كاديلاك)......
الناس ترغب اليابابي بالذات التويوتا لأن قطع غياره متوفره مع انها غاليه بس تبقى ميزه جيده وكمان مافي تعقيدات فنيه واي فني يقدر يصلحه لذلك انا اعتبر سيارات تويوتا ستاندر وعمليه مقارنه بالألماني اللي كله تقنيه وفخامه لا تقارن بالياباني مطلقاً لذلك احنا الطبقه الكادحه نفضل الياباني لانه عملي وبسيط احتراامي
***** سيارات نيسان ما عليها غبار ولا احد يقدر يتكلم عليها لاكن السيارات الاوربيه تتفوق على الجميع يعيبها فقط الوكلاء ولو قارنتها بالسيارات الاسيويه تجد ان السيارات الاسيوية كثيرة اعطال وخرابات لاكن الشي الي ما يخليك تحس بها هو توفر القطع واليد العامله يعني اي واحد يصلحها لاكن الامريكي والاوربي تقعد تلف حتى تحصل القطعه وتلف اكثر حتى تحصل احد يصلح يعني لوخربت مره في السنه والاسيويه خربت عشر مرات بتحس ان الاسيويه ما تعطلت ابدا مع ان القطعه الي بتركبها معد بتدور بعدها سنين اما الاسيوي بتغيرها يمكن في اقل من سنه او في استخدام اقل من الثانية وفوق هذا ما بتحس لان كلو متوفر
فولكس فاجن ما ينفع غير يجيك هدية ههههههه بصراحه انا اتكلم عن السعوديه ... الوكيل فاشل والقطع غالبيتها غير متوفرة وغاليه جدا بالنسبه لسعر القطع في الدولة المصنعه او امريكا وعند إعادة البيع ما تلقى احد يطل بوجهك الياباني ميزته توفر القطع ورخص اسعارها لو قارناها بالالماني لكن كجودة اكيد الالماني يتفوق وتجربة موفقه حبيبنا مصعب ولا هنت ع التغطية
اذا كان السعر لنفس الفئة المجربة حوالي 170 الف ريال فراح يكون عندي خيارات افضل .. جيب جراند شيروكي ، خصوصاً ان السعر حول بعض و خدمات الوكيلين في السعودية برضو حول بعض .
هههههه في الـدقيقة 11:47 يتكلم عن تطور الانظمة و قوتها في السيارة و رغم ذلك لم يتمكن من الاعتماد على اي نظام او اي امكانيات عند محاولة الخروج الى الطريق الرئيسي مما اضطرة للاتفاف برأسة و بطريقة متعبة دون اللجوء للمرأة الجانبية فقط لغرض اخذ مسار مما يدل على صعوبة ابعاد و مستوى المرآة الجانبية فعلاً تناقض غريب
لازم يلتفت عشان يشوف المنطقة العمياء حتى لو كانت السياره مزوده بنظام النقطة العمياء الالتفات ضرورضي في هذي الحالات لان بعض المخارج صعب تبين السيارات على الطريق الرئيسي.تحياتي لك
الحقيقه اعتقد انه اكبر غلطه ممكن يرتكبها الانسان يشتري سيارة وكيلها حاليا ساماكو .. من اسوأ الوكلاء اللي مروا علي للاسف الشديد .. وفولكس واجن فتحت مكتب في المملكه لكن دون جدوى ما بعد عمل شي في مصلحة المستخدم للاسف
Talal Amra مساك الله بالخير .. ساماكو اليوم يا الغالي هو مجرد موزع ليس وكيل لكن للاسف موزع معتمد لعدم وجود موزع غيره .. نحتاج لاكثر من وكيل لهذه السياره القويه الممتازه لكي يكون هناك منافسه الصيانه لدى ساماكو اسعارها غير معقوله نهائيا تغيير الزيت يكلفك ١٤٠٠ ريال .. تغيير زيت فقط لك ان تتخيل
Talal Amra لا لا يا اخوي طلال ماهي المشكله مشكلة زيت طبعا انا اضرب مثل في ابسط صيانه ممكن تسويها لسيارتك شوف بكم تكلفك .. لكن الموزع ساماكو سيء للغايه يا طويل العمر كثير ناس في الشرقية تسوي صياناتها في وكالة البحرين هربا من نصب واحتيال الصيانة في ساماكو والكل مستاء منها وانا طبعا جربت الوكاله مع سيارة بورش وللأسف يا عزيزي حصلت معي مشكلة كبيره جدا كان عندي تهريب بنزين وكانت رائحة البنزين قويه جدا في السيارة اضطريت اوديها ثلاث مرات عندهم بدون اي فائده ما اكتشفوا مكان التهريب وبعد ما اكتشفوه القطعه احتاجت شهر ونص لتوفيرها .. يا رجال وش اقول وش اخلي وضعهم ازفت من الزفت
الالماني اجمل و اروع من جميع النواحي ولو سعره غالي و قطع غياره غاليه مو مشكلة ولكن العيب اللي جنبني شراء السيارات الالمانية هو عدم توفر اماكن الصيانة و هذا عيب لا يستهان به , لهذا افضل الياباني
اغلب الاحيان تكون المشكلة في ثقافة المستهلك وليس جودة المصنع اشوف تعليقات تقارن الياباني بالألماني بصراحة هؤلاء يبدو انهم يستعملون صنف مضروب '' ماعمري سمعت متخصص في السيارات عربي او أجنبي يقول ان الياباني افضل من الالماني من يقول هذا الكلام شخص غير مقتدر على تكاليف السيارات الالمانية من ناحية الشراء والصيانة يقعد يقولك ماتمسك سعرها السيارات الالمانية '' طيب اذا كان كل الشريطية في المعارض حنسات وش ذنبهم الالمان ود السيارة الالمانية الى اوروبا وامريكا وشف تمسك سعرها او لا
ههههههه انا اول احسب الطوارق اسم مطلعينه ربعنا زي الهدد والشبح والفياقرا الخ ،،،وكنت اظن ان الاسم طوارق من الطرق او الطرقه يعني المشوار الطويل ،،،لكن بالاخير اكتشفت ان اسم السياره الحقيقي طوارق
اعتقد انها تغلبت على جيوب المرسيدس بعدة نواحي أولها القوة ... السقف البنورامي ...السعر ...لانه مرسيدس حطت اعلان لسيارتهم suv وهيا بتسحب شاحنة فما جاب شاحنة الا طائرة ...لكن الابترول هو التوب بينهم
بعدين مسؤلية السيارة بعد البيع تقع على كاهل الوكيل وليس المصنع يعني الجفالي والناغي بصراحه عندهم عقود مع الديوان الملكي ووزارة الخارجية والداخلية سنويا بالملايين عشان كذا مايهتمون بالمستهلك الفرد الاهتمام المطلوب وللاسف المستهلك يصب غضبه على المصنع الالماني وينسى ان التقصير من الوكيل ''' انا سقت لكزس وسقت بي ام والله فرق السما عن الارض السيارة الالمانية قيمتها فيها مو خسارة واللي مايقدر عنده الكوري والياباني يهايط بها لين ربي يرزقه
شي مافيه نفاش افضل السيارات هي الالمانيه لكن الناس تتجه للياباني علشان السعر صح الحين التويوتا والنيسان صارت غاليه بس صارت الناس تتغير مع تغيير السعر مثلا بالسابق اغلب الناس تشتري باترول واللاند اما باقي الموديلات كان مسحوب عليها لكن السنوات الاخيره بعد مابدا السعر بالارتفاع لقيت الناس متوجهه للسيارات الاقل فئه مثل البرادو والاف جي والفورشنر اما بالنيسان الباث فايندر والارمادا و الاكستيرا....
بغض النظر عن الوكيل وبالذات ساماكو عندنا في السعوديه الالماني اقوى واجود من الياباني والدليل في انظمة الامان والتكنولوجيا للاسف اغلب السيارات اليابانيه سعرها غالي وبعض التقنيات غير متوفر فيها ، انا افضل الالماني وبالذات طوارق لانها تجمع بين العمليه والفخامه والقوة والصلابه في الاداء ، لايوجد مقارنه ابدا الالماني دائما افضل .
افضل ما في الالماني هو المرسيدس فقط ... اما البقية فلا ينصح فيها من ناحية قطع الغيار والصيانة صحيح المرسيدس قطع غياره غالي ولكن بقية الشركات الألمانية اغلی من المرسيدس بشكل كبير
شركه ساماكو ذبحتنا مسكت وكاله الفولكسواجن والاودي والبورش واكلناها فالسعودية مع هذا الوكيل الجشع والبخيل والذي لايستحق وكاله لكن آش نقول حكم القوي حتي الألمان عندهم واسطات😂😂😂
