ظاہر کی آنکھ سے تماشا کرے نہ کوئی دیکھنا ہو تو دیدہ دل وا کرے کوئی جب دل کی آنکھیں کھول کر انسان مشاہدہ انوار کرتا ہے تو اس کو فنائیت نصیب ہوجاتی ہے- جس سے وہ دوئی سے نکل کر یکتائی میں آجاتا ہے- آپؒ درج بالا صورتحال کو اس انداز میں بیان فرماتے ہیں: اکھ بنوا جاہل بے چارا تاں ویکھیں ایہہ نور نظارا صفاتی ہے یا ذاتی چمکارا ویکھے کون بجز بینائی اگر ساری گفتگو کو ملخص کیا جائے تو یہ ہےکہ طالب مولیٰ کو منزل مقصود تک پہنچنے کے لیے اپنی ذات کی نفی کرنا لازم ہے کیونکہ فناء کے بعد بقاء ہے لا کے بعد اثبات ہے- ان مراحل کو طے کرنے کے دوران اگر اسے مرشد اکمل کی رفاقت نصیب ہے تو یہ خاص کرم و عنایت ہے- طالب پر فرض عین ہے کہ وہ ہمیشہ عاجزی کے ساتھ پیشانی جھکائے رکھے کیونکہ اس کا نصیبہ اور مقصود وہیں پہ موجود ہوتا ہے-
