As deel van die Afrikaanse Taalmuseum en -monument se missie om die historiese gemarginaliseerde Afrikaans variëteite en lankvergete leefwyses, vervat in talle volksoorleweringe (folklore), op te teken, is die instelling sedert 2008 hard besig met die Noord-Kaapse mondelinge oorleweringsprojek. Daarom is ons verheug om videogrepe van die mense wat hierdie verhale met ons gedeel het, nou aan die groter publiek beskikbaar te stel. In Suid-Afrika is daar in volksvertellings ’n duidelike gevoel van geeste wat in ons 'binnewaters' woon. Een hiervan is die wydverspreide opvatting dat haas elke belangrike rivier, waterpan en kuil op sekere tye van die jaar slagoffers eis. Stories vertel van watergeeste wat voorkom in die vorm van watermense en waterdiere, in die besonder waterslange. Die waterslang is geen gewone slang wat in die water woon nie, maar ’n mitologiese slang met besondere magte. Sien www.taalmonume... vir ’n volledige artikel.
Facebook - / afrikaansetaalmonument
Twitter - / taalmonument
Instagram - / taalmonument
28 апр 2021
