#ustadshehriyar #imamyar #imamyarhasanov #worldmusic #amanteklikelinden #shehriyarxannnene
Şeir: Ustad Shehriyar (1906-1988)
Kamança: Imamyar
Musiqi: Aman Teklik Elinden
XAN NƏNƏ
Xan nənə! hayanda qaldın
Belə başıva dolannam
Necə mən səni itirdim?
Da sənin tayın tapılmaz
Sən ölən gün əmmə gəldi,
Məni götürdü ayrı kəndə
Mən uşaq nə anlıyaydım?
Başımı gatıp uşaqlar
Neçə gün mən orda galdım.
Gayıdıp gələndə baxdım
Yerivi yığışdırıplar
Nə özün və nə yerin var.
"Hanı Xan nənəm?"-Soruşdum.
Dedilər ki, Xan nənəni
Aparıplar Kərbəlayə
Ki şəfasın ordan alsın
Səfəri uzun səfərdir
Bir iki il çəkər gəlincə
Necə ağlaram yanıxlı ?
Neçə gün elə çığırdım,
Ki səsim, sinəm tutuldu
O mən olmasam yanında,
Özü heç yerə gedənməz
Bu səfər nolupdı mensiz
Özü tək goyup gedipdi ?
Hamıdan acığ edərkən
Hamıya acığlı bakdım
Sonra başladım ki:Mən də
Gedirəm onun dalınca
Dedilər səninki tezdir.
İmamın məzarı üstdə
Uşağı aparmag olmaz.
Sən oxu Qur'anı tez çıx
Sən onu çıxınca bəlkə
Gələ xan nənən səfərdən
Təlesik ravanlamaxda
Oxuyup Qur'anı çıxdım
Ki yazım sənə: Gəl indi
Daha çıxmışam Qur'anı
Mənə sovgət al gələndə
Amma hər kağaz yazanda
Ağamın gözü dolardı
Sən də ki, gəlip çıxmadın
Neçə il bu intizarla
Günü həftəni sayardım
Ta yavaş-yavaş göz açdım
Anladım ki, sən ölüpsən
2 ноя 2021
