Xuacu Amieva - Cantar pola oficialidá 

'Cantar pola oficialidá' tien lletra y música de Xuacu Amieva.
Esti cantar ta fechu a costafecha pa llamar a la participación na manifestación pola oficialidá del asturianu del 21 d'abril de 2018 n'Uviéu entamada pola Xunta pola Defensa de la Llingua Asturiana.
CANTAR POLA OFICIALIDÁ (Lletra)
Vamos xuntos a cantar
xunciendo les manes p'algamar
que la nuesa llingua seya oficial.
Pa que nel futuru
los nuesos fiyos puedan esfrutar
de la propia cultura
y del so pegollu principal.
La nuesa llingua tan guapa,
tantu tiempu arrequexada.
Agora ye'l momentu
de que seya asoleyada.
Los nuesos güelos falaben
y tamién los nuesos pas.
La nuesa llingua asturiana
nun se pue desaniciar.