Yanardağın qığılcımı
-------------------------------
Tarixinin ilk günündən
Dayanmadan alovlanır
Yanardağın qutsal odu.
Uca Tanrı bizə onu
Örnək vermiş, Odlar yurdu!
Onun odu
Qərinələr, tarix boyu
İçimizə bol-dol doldu.
Yaşat onu ürəyində,
Azər qızı, Azər oğlu!
Babaların tapındığı
O atəşdən bir qığılcım,
Bircə çınqı götür, götür!
Alışdır öz ürəyini
Xalqın üçün, yurdun üçün!
Dosta ötür!
Qoy bürünsün Qutsal Oda
Odlar yurdu!
Qoy dirçəlsin, qoy yüksəlsin
Ürəklərin işığında!
Kim deyir: «Tanrı göydədir?”
Bu yalandır, uydurmadır!
Neçə dahi demədimi? -
Müqəddəs Tanrısal Odun
Ürəkdədir Qığılcımı!
O tum-odu böyüt, yansın,
Ürəyində alovlansın
Xalqın üçün, yurdun üçün!..
Qaldır rəmzi qılıncını
Nəiminin, Nəsiminin!
Koroğlunun qılıncını!
Qoy alışsın ürəyində
Yanardağın qığılcımı!
Əhməd Şəfəqli
02.11.2018
Orucov Əhməd Həmzə oğlu
14 янв 2022