Yashodara (යශෝධරා) - GANGADARA 

යශෝධරා 🤍 මට දැනෙන මට හැඟෙන පරිදි, ඉඳ හිට වැටෙන වැහි කෝඩෙක තෙමීගෙන කහ මල් කිනිති පොළවට ඇස් අයාගෙන "කහ මල් කිනිති" ඒ වචන ඇසෙද්දීම මගේ සිහියට නැගෙන්නේ කහ පැහැති සිවුරු දරාගෙන සන්සුන් ලීලාවෙන් කිඹුල්වත් පුරයට වැඩම කරන බුදු රදුන් ප්‍රමුඛ මහා සංඝරත්නයයි. අව් වැසි වලට නිරාවරණය වෙමින්, බොහෝ දුර ගෙවා ගෙන මහ පොළොව දෙසට නෙත් යොමාගෙන කාරුණිකව වැඩම කරන සංඝරත්නය දිස් වන්නේ ඇසළ මල් කිනිති ලෙස නොවේද? ප්‍රේමය ගිය පසුව සුළගේ ගසාගෙන දුරුතු සඳ වැටුණි අහසෙන් කඩාගෙන යශෝදරාවන්ගේ ආත්මගත ප්‍රේමය; නොහොත් සිද්ධාර්ථ ගෞතමයන් මේතාක් තමන් හා සසර මග එක්ව ගමන් කර හිටිහැටියේ කරන ලද අභිනිෂ්ක්‍රමණය ඇයට ගෙන එන්නේ ඔහු මහ සැඩ සුළඟකට ගසාගෙන ඉනව්වක් නැති පෙදෙසකට රැගෙන ගියා වන් හැඟීමකි. දුරුතු මස යනු ගස් වල කොළ අතු දුරුවන කාලය යන්න පිළිඹිඹු වන්නකි. ඉදින් තම ප්‍රේමය නික්ම ගිය පසු ඇයට සිතේ ඇති සතුට සැනසුම දුරු වී පුන් සඳක් නැති විට රෑ අහසේ ඇති ගණදුර වන් අඳුරකින් තමා වෙළා ගත්තාක් සේ දැනෙයි. රිදුම් දෙමින් ඉකිලන හැම රැයක් පුරා ඇදුම් දෙවන හිස ඔය උරහිසින් දරා සිද්ධාර්ථයන් ගිහිගෙය හැර ගිය පසු රාහුලයන් සමග දුකසේ වාසය කල, රැයක් පාසා ඔහු පිළිබඳව සිතමින් රත් පැහැ වුණු දෙනෙත් ඇතිව, රිදුම් දෙන හිසින් යුතුව මහමෙරක් වන් වේදනාව තනිවම විඳ දරාගත් යශෝදරාවන්ගේ කැප කිරීම ගැන කියවෙන අපූරු පද පෙලකි මෙය. නෙතින් වැටෙන කඳුලැල් පිස සසර පුරා ඉතින් ආදරෙයි තාමත් යශෝධරා සැපේදී මෙන්ම දුකේදීත් මා අත් නොහැර සසර මග මෙතෙක් පැමිණි ඔබද මේ සසරින් මුදා ගන්නම්. මේ මොහොතේ රූරා හැලෙන කඳුලැලි පමණක් නොව චක්‍රයක් වන් මේ සසර මගෙහි දුක් ගින්න නිවා සනසාලන්නම්. යශෝධරාවණි, ඔබ මා හට ලබාදුන් අමිල සහයෝගය නොවේ නම් මා මේ සසරෙන් එතෙර නොවනු ඇත. ආත්මයක් පාසා පාරමී දම් පුරන්නට ඔබ මා හට ඉඩ හසර ලබා දුන්නා නොවේද? ඉතින් ඒ සියල්ල උදෙසා මා දැනටත් ඔබට කෘතඥ වෙමි. සිද්ධාර්ථයන් යශෝධරාව කෙරෙහි ඇති ආදර ගෞරවය කෘතඥතාවය පළ කරන්නේ එලෙසිනි. රෑ වී වැටෙන කළුවට තරු එළි යාවී රෑ හී සොවින් කී සී පද පෑහේවී මා වී කෙතට වට සඳ දිය සේ ප්‍රේමී පේවී වරෙන් මගෙ පපුවට සීදේවී සිංහල ගැමි පරිසරය සමඟ එක් වූ බෞද්ධ සංස්කෘතිය සුන්දර වූ සංකලනයකි. ගැඹුරු ව්‍යංගාර්ථයක් සහිත මෙම අවසන් පද පෙළින් මා දකින්නේ එවන් වූ වචනයෙන් විස්තර කළ නොහැකි සුන්දර බවකි. ශෝකාලාපයක් බඳු රැහැයියන්ගේ හඬ, කුඩා තරු එළි සහිත රාත්‍රිය දුක සතුට සම්මිශ්‍ර ගිහි ජීවිතයේ ස්වභාවය මැනවින් කියා පායි. නමුත් ඇත්තෙන්ම රාත්‍රියේ ඇත්තේ මහත් ගණදුරකි. මතුපිටින් බැලූ කල ගිහි ජීවිතය රාත්‍රිය තරම් සොඳුරුය, දුක සතුට මුසු ව ඇති බව පෙනුනද සැබවින්ම මේ සසර රාග ද්වේෂ මෝහයෙන් පිරුණකි. දුක පමණක්ම වූ ගණදුරින් වැසී පවතින්නකි. කෙත් යායට වැටුන සඳ වතුර ගණදුර පලවා හරින්නේ යම් සේද, සසර මග දුක් නිවන්නේ අමාවතුර හෙවත් නිවනයි. ඉතින් යශෝධරා, පේවී - පිරිසිදු වී හෙවත් තණ්හා ක්‍රෝධ ද්වේශ වැනි කෙළෙසුන් දුරුකර එන්න, මා ගමන් කළා වූ ඒ උතුම් නිවන් මගට ඔබත් පිවිසෙන්න. ........................................

පිය සෙනෙහසින් තරු නෙතු තෙමුනාවේ හද ලන සුසුම් ලය ගිනි සිසිල මැකුවාවේ ප්‍රේමය නමින් පාමුල පියුම් පිපුනාවේ සසරක කදුලු මේ භවයෙන් සිදුනාවේ

ඒ වචන,කටහඩ හා සංගිතය එක්ක හිත මොහොතකට නවතිනවා..නීවීමක්..💛🌼 ඉදහිට වැටෙන වැහි කෝඩෙක තෙමීගෙන කහ මල් කිනිති පොළවට ඇස් අයාගෙන ප්‍රේමය ගිය පසුව සුළගේ ගසාගෙන දුරුතු සද වැටුනි අහසින් කඩාගෙන..

පිස්සුවක් මල්ලි 🖤 අනිත් සිංදු වලත් Full Version දාමු 🍻

මගෙ ජීවිතේ මේ සින්දුවෙ ලියල තියෙන්නේ ..හැම රෑකම අහස දිහා බලාන මන් මේ සින්දුව අහනව..ඉන්න තැනක කොහෙහරි මේ ලෝකෙ ...පරිස්සමින් ඉන්න ඕනි එයා.....ම්ම්ම්ම්ම්ම්ම්ම්ම්ම්ම්ම්ම්ම්ම්ම්ම්ම් මන් හැමදාම ත් අහස දිහා බලන් කියන්නෙ ..තාමත් ඒ වගේ ම ආදරෙයි මන් 🙏🥺💙

ඇත්තටම මාරම ලස්සන වොයිස් එකක්. අද ගොඩක් අයට පිච් එකට සිංදුව කියාගන්න බෑ. ඇත්තටම වටින දුර්ලබ හඩක්. ජය වේවා!!!👌👌👌💐💐💐💐

කොච්චර ඇහුවත් එපා වීමක් නෑ... ඒ වචන , හඩ , හිත අමුතු ලෝකෙක පා කරන ඒ සංගීතය අනර්ඝයි... 😢❤️❤️❤️❤️

ප්‍රේමය ගිය පසුව සුළඟේ ගසාගෙන දුරුතු සඳ වැටුනෙ අහසෛන් කඩාගෙන.. ♥️ වදිනවා මෙතන්ට-👉♥️

Mewagema thawa sindu hadanna😍

හම්බුනා අන්තිමට❤

Soothing, transcendental music !

Aneeeee 🥺🥺🥺🥺♥ aneeeee maara lassanai........me wagee therumak thiyena sindu ayeth genawata godak Thanks........🥺♥♥♥♥

Waaah..ඒක නියම රහක් ❤

Ammo eke rasa❤ Lyrics,melody maru❤❤

බෙහෙත් ❤️✌️

Karoke version ekak nadda

එ් වචන💜💜

❤❤❤❤

🥺🖤💐

ඉතින් ආදරෙයි තාමත් යශෝදරා 🤍🍃

It's too much hard and hurt mcn 😔💔🕊️

😍💙

❤️

Lyrics ලියන දෑතට බුදු සරණයි ❤

❤❤❤❤

මෙව්වා ඉතින් සෙට් වෙන්නෙ music taste එකක් තියෙන මිනිස්සුන්ට තමා ❤

😌 පිළිතුරක්... 😌 ඉඳහිට වැටෙන වැහි, මල් වැහි වී දේවා කහ මල් කිනිති වියනක් සේ සැරසිගෙන ප්‍රේමය හද පතුළෙ ගිල්විය ගිය දාම දුරුතු සඳ තවම එහෙමයි දරාගෙන තනිව හැඬූ කළුවර හැම රැයක් පුරා ඔබේ නිවන ගැන සිතමින් සතුටු වුණා එතෙර කර සියල්ලම දුක්වලින් මුදා සිහින දකිමි මම ඔබගේ යශෝධරා රෑ බෝ වුණත් අහසට සඳ එළි දේවී කී බණ පදත් උඩු ගුවනට මුසු වේවී උර දුන් නිසා ඔබෙ ගමනට මා පේවී ඒ පින් බෙලෙන් සසරින් එතෙරට යාවී ~ Irudini ~

comment එකක් type කරගන්න බෑ මචන්.. ඇඟිලි ඔක්කොම හිරවෙනවා වගේ.. මේ තශ්මිලගෙ වචන විතරක්ම නෙවෙයි... උගෙ වටේ කැරකෙන ඌම, ඌ එක්ක එකතු වෙලා ඌටම කියන එකක්.. ගංගාධර, උඹත් මාර පොරක්.. වචන කියන ඒවා දැනෙන්න කන් වලට ඔබන්න හැමෝටම බෑ... හැමෝටම ජය.. trending වුණාහෝ නැතාහෝ මේවා රැඳෙන්න ඕනෙ හිත් වල පතුලවල්වලම රැඳිලා, හැංගෙන්න ඕනි හිත් අස්සෙ හැංගිලා, හැඟෙන්න ඕනි හිත් වලට හැඟිලා, අඬන්න ඕනි ඇස් වලට කඳුලු දේවි හැමදාම... ආදරෙයි 🌼🤍🤟

නියම සංගීතයේ රසය දන්න දුර්ලභ ඝනයේ මිනිස්සු ❤✨️

මේ සිංදු මගේ ජිවිතේ කවදවත් අමතක වෙන්නැ ඉස්සෙල්ලාම ඇහුවේ පෙරෙදා ..එක දිගට දැන් සිය පාරක් ඇහුවා .ඒ කටහඩ 💓🙂

මාස ගණන්, සති ගණන්, සිංදුවක් දානකම් බලන් හිටිය අය කවුද ඉන්නේ තව? ❤👌

#Gangadara Music කියන්නෙ ඉතින් ඒක වෙනම එකක්.යශෝදරා Song එකත් හදවතටම වැදුනා.මාත් එක්ක එකඟ කට්ටිය කරමු.❤‍🩹🥺

වැටුනට කෝඩ වැහි ගණනින් තෙමෙන්නට පොළොවට අයා පිපුනේ මල් නුබේ නමට ප්‍රේමය නමින් නුබ දුර බව දැන පුවත තෙමුනේ කදුලු වලිනි පුතු සමඟ රැය ඉකිලන හැඩුම් දරනට මම කෙසේ කියා වාරු උනු උර හිස අද තනිව තියා සසර බවේ නුබේ නමටම ආව නියා තාම ආදරෙයි මම නුබේ යසෝදරා සසර ගනන් පතමින් නුබ හට පේවී කිදුරු වෙසින් නුබ සමගම පෑහේවි හැරගිය උනත් නුබ සැමටම බුදු වේවි අද මා සැමට ප්‍රේමයේ බිම්භා දේවි 🥺♥️

Lyrics❤ ඉඳහිට වැටෙන වැහි කෝඩෙක තෙමීගෙන.... කහමල් කිනිති පොළොවට ඇස් අයාගෙන.... ප්‍රේමය ගිය පසුව සුළඟේ ගසාගෙන.... දුරුතු සඳ වැටුණි අහසින් කඩාගෙන....🌙 රිදුම් දෙමින් ඉකිළන හැම රැයක් පුරා.... ඇදුම් දෙවන හිස ඔය උරහිසින් දරා.... නෙතින් වැටෙන කඳුළැල් පිස සසර පුරා.... ඉතින් ආදරෙයි තාමත් යශෝධරා....❤️ රෑ වී වැටෙන කළුවට තරු එළි යාවී.... රෑහී සොවින් කී සී පද පෑහේවී.... මා වී කෙතට වට සඳ දිය සේ ප්‍රේමී.... පේ වී වරෙන් මගෙ පපුවට සීදේවී....🥺❤

මාළිගාව දාල ගිහින් අර මහ කැළේ තට්ට තනියම ඉද්දි කී පාරක් නම් යශෝදරාව මතක් වෙන්න ඇත්ද? සිද්ධාර්ථව බුද්ධත්වයට ළං කරවන්න ඇත්තෙත් ඒ ප්‍රේමයේ මහිමයම තමයි... හීනෙකදි හරි යශෝදරාව හමුවුණොත් මම අහන්නෙ"කොහොමද ඒ අහිමිවීම දරගත්තෙ" කියල .

යශෝධරාවක් වගේ ආදරේ කරපු ගෑණු ළමයින්ට මේක හදවතටම දැනෙනව ඇති.සෑම ගැහැණියකටම යශෝධරාවක් වීමට වාසනාව ලැබේවා.❤ගංගාධර කියන්න වචන නැ හරිම ලස්සනයි❤️

පුංචි පහේ පැමිණිල්ලක් ! ‍ ඉතින්, මෙහි අර්ථය සෙවීමට තව දුරටත් මා වෙහෙසිය යුතුදැයි මම නොදනිමි. අඩුම තරමේ එතරම් ගැඹුරට හඹායන්න , බඹ ගණන් මනින්නට මිනුම් මා දන්නේදැයි මටම පැනයකි. කොයි කවුරුත් කලාවන් රස විදින්නේ තම තමන්ටම ආවේණික වූ නිර්වචනයන්ට අනුව බව දනිමි. එබැවින් , හුදෙක් මේ සටහන තබමි ... වැහි කෝඩේටත් , තද පෑවිල්ලටත් අහුවෙන මල් කිනිති ඉතින් පොළවට නැතුව අහසට ඇස් අයන්න ද ? හුළගේ මහ දරුණු පැහැරගැනීමට පසුව දුරුතු සදත් අහසින් කඩන් වැටෙන එක කවමදාවත් නොහිතුව දෙයක් ද ? දෙවියනි , ඉකිලන්න එක උරහිසක් හිමිවීම නුඹේ ජීවිතේ නොලැබීම මතින් ලියවුනු නිර්වචනයට මරු පහරක් නොවෙද ? නෙතින් වැටෙන එක කදුලක් ගානේම පිහිනකොට , වේදනාව උනත් හැංගෙන බව දන්නේ නැතුවම ද ? කවියන්ට පවා මගඇරුනු තැන් අනන්තවත් නැද්ද , ඈත තරු එළි තරම් ඈත දුරකට ඇහෙන සී පද වල ? ඉතින් , තවත් එක යසෝදරාවතක කව , මිණිබරණ සේම පළදන්න උරුම ඇය , බිම්බාදේවියට පමණම ද ? ♥🍁 පැමිණිල්ල - යශොධරා ගීතය , දහස් ගණනක් සවන් දෙන්නන්ව අඩි ගණනක් ගැඹුරට ගෙන ගොස් අතරමං කර දමා ඇත. ! සාධාරණය පතමි .

ප්‍රේමයෙහිලා මා දුටු සුන්දරම ස්ත්‍රීය #යශෝධරා බව ඇය තම නික්මුණු ප්‍රේමය දෙසබලා නිහඩව සමු දීමට තරම් ශක්තිමත් විය... කෙදිනකවත් අසා තිබෙනවාද නුඹවත් මමවත් #සිද්ධාර්ථ #යශෝදරා ප්‍රේමයේ තුන්වෙනි පාර්ශවයක් සිටි බව ඉතින් ප්‍රේමය නම් කල්පයක් පුරා අත්නොහැර අවසන් භවයේදිත් නිහඩව සුභ පතා ඔහුගේ ගමනට දිරිදුන් ඇයගේ ස්ත්‍රීත්වය... 🥺❤️🙏

Gangadara ❤

මගේ ආදර කතාව අමරණීයයි ...ඒත් ප්‍රේමය සුළගට ගසාගෙන ගියා... මම ගල් ගැහුනා.තාමත් එහෙමයි.....මේ වේදනාවත් එක්කම මේක රැ එළිවෙනකල්ම අහනවා...කිසිම් තරහවක් දැනෙන්නෑ....මගේ හුස්ම ටිකෙන් ටික නතර වෙනවා වගේ දැනෙනවා..😢

කලතුරකි දුර්ලබ මිනිස්සුන්ට හමුවෙන දුර්ලභ Art එකක්..❤❤❤

රිදුම් දෙමින් ඉකිළන හැම රැයක් පුරා ඇදුම් දෙවන හිස ඔය උරහිසින් දරා නෙතින් වැටෙන කදුළැල් පිස සසර පුරා ඉතින් ආදරෙයි තාමත් යශෝදරා...❤️🍃

හමේ පාට අඳුරු නිසා මුලු ජීවිතේම පිරිමියෙක්ගෙන් ආදරයක් නොලැබී ජීවත් වෙන ගැහැනියක් ගැනත් සිංදුවක් ඕනෙ😑😔

එක වගේ මිනිස්සු දකිනවා කමෙන්ට්ස් බලද්දී,ඒකම ලොකු සතුටක්,මං වගේම උං තවත් ඉන්නවා ❤

මේ සිංදුව අහද්දි මාව වෙනම ලෝකෙකට යනවා...හිත අතීතය එක්ක කතාකරනවා.....කල්පනා දාහකට හිත එක්කන් යනව....සංගීතයෙන් ඒකට තව උදව් කරනවා...ඒ වචන හදවත සනසනවා....ඉතින් ආදරෙයි තාමත් යශෝධා❤ ......රා.....❤😢

මෙම ගීතය එලිදක්වන විට මගේ ජීවිතේ අපහසුම කාර්තුවක මා ගත කලෙමි. එම කාර්තුව යම් ප්‍රමාණයකින් නිවා දැමූ මෙම ගීතයට අනේක වරක් තුති පුද කරමි. යම් කෙනෙකුගේ සිත් නිවන තනු නිර්මාණය ඔබ මම මෙම ගායනයට සදා ණයගැති. ♥️

දාහක් මිනිසුන් හැගුම්බර කරන මාව හැගීම්බර කරලා අඩවන්න පුලුව්න් උනා උබට , දිගටම නිවපන් මිනිස්සුන්ව ආදරෙයි මචන් (Mr Flute)

රැල්ල අතික්‍රමණය කරලා යන්න ඕන පද වැල්.ඇත්ත සංගීතයේ රසය හිත පුරාම පුරවන හඬ.අහගෙන ඉන්න බැරි තරම්.හිත සංවේදී අතීතයට ඇදගෙන යනවා වගේම හිත නිවෙන්නෙ භාවනාවක් වගේ.නිර්මාණයට දායක වූ සැමට ප්‍රණාමය..

"ඉඳහිට වැටෙන වැහි කෝඩෙක තෙමීගෙන කහ මල් කිනිති පොළවට ඇස් අයාගෙන ප්‍රේමය ගිය පසුව සුළඟේ ගසාගෙන දුරුතු සඳ වැටුණි අහසෙන් කඩාගෙන " #අධිමාත්‍ර

නිකන්ම youtube එකේ සිංදු auto play වෙවී යන ගමන් මම වැඩ කර කර හිටියේ.. මෙ සිංදුවට voice එකට එක පාරටම නැවතිලා phone එක බැලුවා. හරිම ලස්සනයි

ගීතයකට පුළුවන් මිනිස්සුන්ගේ මූනට සතුටක් ගේන්න ඇසට කදුලක් ගේන්න සිතට නිවනක් ගේන්න පෙම් නොකලත් ප්‍රේමය දනවන්න විරහව දනවන්න ඔය ඔක්කොම අස්සෙ .......... Exam නිසා විඩබර මනසට නිවනක් සැනනුමක් ගේන්න මොහොතකට හැම දෙයක්ම අමතක කරවන්න ගංගාධාර ඔබ මේ ගීයෙන් මගේ සිත නිවා සැනසුවා❤

උණු වේ ගලන කදුළක හිත තවරාන වෙන් වී ගියේ මුළු සසරම අවුලාන සඳක් සේම පසලොස්වක බබලාන නුඹ නොමැතිව මට කුමටද නිර්වාණ ....❤‍🩹❤

කියන්න තේරෙන්නෑ ඒකනම් භාවනාවක් වගේ.. මොන හේතුවකටද මන්දා අහන අහන වාරයක් පාසා ඇස් වලට කදුලු උනනවා 🥺❤ ලස්සනයි.. සින්දුවකට මෙච්චර නිවුනමයි ❤

යශෝධරා වගේ කෙල්ලෙක් හම්බ උනා නම් 🙂 එහෙනම් සංසාරෙම බයක් නැතුව ගමනක් යන්න තිබ්බා 🙂

පේවී වරෙන් මගෙ පපුවට සීදේවී ❤ හරි ලස්සනයි තව තවත් ලස්සන නිර්මාණ කරන්න . ජය වේවා අයියෙ 💪💓

මම අදටත් හැමදාටමත් ආඩම්බරෙන් කියන්නේ ..මගේ නමත් යශෝධරා❤

ඒත් රැප් එකක් කරල youtube දැම්මොත් අද කාලේ views 5,6M යන්නෙ ඒත් ගැබුරු තේරුමක් තියන ජීවිතයටත් යමක් ගන්න පුලුවන් මේවගේ සිංදුවකට views 1.3 M ඉතින් ඒකෙම්ම කියවෙනවනේ අද සමාජය පිරිහෙන්න හේතුව 😢

" ප්‍රේමය ගිය පසුව සුළගේ ගසාගෙන දුරුතු සඳ වැටුණි අහසෙන් කඬාගෙන... " 🌪️

වහා ඇබ්බැහි වන සුලුයි...තව තවත් මෙවන් කලාකරුවන් දස දහස් ගණනින් ලක්දිව බිහිවේවා!

මේක මට දරා ගන්න අමාරුයි මචං 😍❤️ සමහරවිට මේ පණිවිඩය මට ලියන්නම තිබුණු එකක් වෙන්න ඇති.

පුරුද්දට අහන්න ආපු වෙලාවෙ දැක්කේ trending ඇවිත් ... *පුදුම වෙන්න දෙයක් නෑ ඒත් පුදුමයි* පුදුම වෙන්න දෙයක් නෑ සිංදුවේ රහ නිසා ඒත් පුදුමයි මේ ලංකාව නිසා කොහොම හරි congratulations to the team 🎉

අතුරා පාරමී නුඹ හා නොවී තරා තිබහට දුනිමි උතුරා ගිය පෙම ද පෙරා ඉනිමං බැන්ද නිවනට පා තබන තුරා මතක ද ලේන කුලයෙන් ආ යසෝධරා සෙනෙහස නිසා සසරම මිටකට බැන්ඳ ඔය හද මඬලෙ දැල්වෙමි පහනක් මෙන් ද දුන් ඒ පොරොන්දුව කඩ නොකරමි දැන්ද සිදුහත් බවේ නුඹ තනිකර පුළුවන් ද දෑසින් බලන්නට බුදුබව ලබන හැටී හිමියනි සසර ගැන්නා ඒ තරම් වටී එක්කන් ගියා නම් නොබලා සසර හතී දෙන්නෙමි සාධු හඬ සිරි පා මුලම වැටී

No words aiyeee මාරම Soulful ඉතින් ආදරෙයි තාමත් යශෝධරා 💐🥺♥️💫

මේකෙ පුදුම ලස්සනක් තියෙන්නෙ අය්යේ...❤අනේ මන්දා ඇය් මේවා ට්‍රෙන්ඩින් නොඑන්නෙ කියල .....සතුට කියන්නෙ ඔයාල වගේ ලස්සන කලාකාමී මිනිස්සු තවත් ඉන්න එක....දුක කියන්නෙ මේව අහලා සැනසෙන්න පුළුවන් හිත් හරි අඩුය් කියලා දැනෙන එක ........

ප්‍රේමය ගිය පසුව සුළගේ ගසාගෙන.. දුරුතු සඳ වැටුණි අහසෙන් කඩාගෙන..🥺 ඇත්තටම ඒ හැගීම එහෙම දැනුණා හරියට රික්තයක් වගේ.. Masterpiece🍁

"ඉඳ හිට වැටෙන වැහි කෝඩෙක තෙමීගෙන කහ මල් කිනිති පොළවට ඇස් අයාගෙන ප්‍රේමය ගිය පසුව සුළගේ ගසාගෙන දුරුතු සඳ වැටුණි අහසෙන් කඩාගෙන රිදුම් දෙමින් ඉකිලන හැම රැයක් පුරා ඇදුම් දෙවන හිස ඔය උරහිසින් දරා නෙතින් වැටෙන කඳුලැල් පිස සසර පුරා ඉතින් ආදරෙයි තාමත් යශෝධරා..." ඒ වචන,ඒ සංගීතය,ඒ කටහඬ... කියා දෙන්නේ අභීත චරිතාප්‍රදානයයි... ♥♥♥🙏🙏 " බිම්භා දේවි හෙවත් යශෝධරා" 🥺♥

Aesthetic feeling with soul touching voice & lyrics..Yeah i'm just in heaven..Good job ayya..💕❄️

රසවින්දනයක් තියන මනුස්සයෙක්ව , සංගීතයෙන් වෙනම ලෝකෙක අතරමං කරන්න පුලුවන් තවත් එක් කලාකරුවෙක් තමා අයියේ ඔයා ❤️ ඒ කටහඩට , ඒ තනුවලට , ඒ වචන වලට , ඒ සංගීතයට කිසිම උපමාවක් නෑ. ❤🎉 Thank you so much..මේ වගේ නිර්මාණ කරනවට 🙏💖

ඔබෙ සඳ වෙන්න විවරණ ලද දා සිටම දැනගෙන උන්නෙ මට කඳුලක් උරුම වග එනමුදු හිතේ ප්‍රේමයෙ බර වැඩි කමට ආලය කලෙමි මුව'ග සිනහ රන්දාන පුරහද අහසෙ බැබලුන ඒ දුරුත්තෙම ගියබව දුටිමි නුඹ අසු පිට නැඟීගෙන කඳුල මතින් සසරේ පෙම් බැඳි හුරුව හින්දම තරහ නැත නික්මී ගියත් නුඹ සසරෙම බැන්ඳ පෙම අරගෙන දෝතටම නෙත'ග කඳුල පිස මුව'ගට සිනා ගෙන පේවී එන්න කීවත් ඔය පපු තුරට පේවුනෙ නුඹටමයි සමිඳුනි හැමදාම (යශෝධරා සිංදුවෙ වචන ටික නම් පිස්සුවක් මාර විදියට හිතට දැනෙන්නෙ පුදුම ලස්සනයි ❤✨️)

මේ වගේ සින්දු hit වුනා මදි ❤😢

මේ පද පේලි , මේ කටහඩ දරා ගන්න අමාරුයි සංවේදී හදවතකට🥺❤️🎀

Nice reply එකක්.මං මෙක post එකකට හදන්න ගත්තා.writer name එකට ඔයාගේ tag name එක දැම්මා.(කිසිදු හානියක් කර නොමැත).GooD "👁️"

රෑ වී වැටෙන කළුවට තරු එළි යා වී රෑ හී සොවින් කී සි පද පෑහේවී මා වී කෙතට වට සඳ දිය සේ ප්‍රේමී පේ වී වරෙන් මගෙ පපුවට සීදේවී❤

ඒ මෙයා එක්ක බෑ ඒයි..............කොහෙන්ද මේ වචන.......කොහෙන්ද මේ කටහඩ......මේ සින්දුව අහන එක දවසේ පුරුද්දක් වෙලා❤❤❤❤

ඇත්තටම මේක තමයි මේ වෙලාවේ මගේ දුවට දෙන්න, මට හම්බවුණ හොදම තෑග්ග,මම ගන්නවා, ස්තූතියි ගොඩක්, ඔබටත් ❤️💐🌻

සද්ද ගොඩකට නොව වචන ටිකකට ආදරය කරන්නන්ට.....❤

දන්න කෙනෙක් ඉන්නවනම් මේක masterpiece eke chords tika දාන්නකෝ❤️💖

ප්‍රාර්ථනා කරමි දිනක ජනන feat එක්ක ගාන්ගාධාර එකට සිංදුවක් ගහයි. අන්න එදාට මුලු මියුසික් industry එකම හෙල්ලෙයි. Good luck ❤

හිමි නොවන බව දනිමි, නමුදු අහිමි වන්නෙ නුඹටය.. එක අවංක හදවතක්.... නැවත මා සොයා එන්න.. මා එදිනටද පෙම් කරයි නුඹටම පමණක්.... නුඹ නොආවත් මා කල ප්‍රේමය නොවෙනස් වේ එය පොරොන්දුවක්.... දිනක තනිවී නුබම ඉකි ගසාවි, මා මතක් වි එක් අතීතයක්.... ඉතින් ආදරෙයි තාමත්...❤️

ඉතිං ආදරෙයි තවමත් යශෝදරා 💛🌻

❤❤

හිත පිරෙන්න එකම යශෝධරාවකට ආදරය කරන මම ❤️🌻 මගේම වෙන්න මගේම විතරක් 💔

ප්‍රේමය ගිය පසුව සුළඟේ ගසාගෙන දුරුතු සද වැටුණි අහසින් කඩාගෙන ............................................................................................................ ඉතින් ආදරෙයි තවමත් යශෝධරා ✨️❤

ප්‍රේමය ගිය පසුව සුළඟේ ගසාගෙන දුරුතු සඳ වැටුණි අහසෙන් කඩාගෙන . 💆🏻‍♀️♥️🔥

Sirasa fm eken me songs ahila thamai you tube eke search karala me channel eka hoya gaththe .හිතට දැනෙන්නේ අමුතුම හැගීමක් 🌻 me sindu ahedddi ❤

හිතට දැනුන තරමට මේක අගය කරන්න තරම් ලස්සන සිංහල මම දන්නෙ නෑ. ❤

"ප්‍රේමය ගිය පසුව සුළඟේ ගසාගෙන දුරුතු සඳ වැටුනි අහසින් කඩාගෙන..🥀💔"

මේවා trending වෙන්න ඕනේ අනිවාරෙන් 😍❤

මේක සිදුහත් කුමාරයා යශෝධරාවට කියන එකක්ද??යශෝධරා සිදුහත් කුමාරයාට කියන එකක්ද??

මට නම් හිතෙන්නෙ එක්කො ඔයා දිගටම මේ වගේ කෙටි ඒවම කරා නන් හොඳයි කියල ..එතකොට ඒක තමයි ඔයාගෙ සින්දු වල විශේෂත්වෙ...ඒකෙන් ලොකු වටිනාකමක් ඉතිරි වෙයි..❤

*ඇසළ සදේ සිසිලස මැද්දේ මහ රෑ සීතල කදුළුකැට වැටුණා සිහිවීලා වැටෙනා වැහි කෝඩ මල්වැහි වී වැටිලා.. පැතුවා සිදුහත්නි නුඹ හට සෙත් වේවා...... රහුල පුතුන් හා මා දින ගැන්නා කුමරුනි නුඹ එතැයි පුන් සද සේ පායා... අහසත් දුක් බරයි කුමරුනි නුඹ නැති දා.... සසරක් නිමා වුණි අද ඇසළේ මහ රෑ .... ඉතිං තබන්නම් කුමරුනි කවියක් ඇසළ සදේ නොඑතත් තවම මම වෙමි යශෝදරා නුඹේ.....✍️🪷✨

ඒ කටහඬ, පද, music හරි පිස්සුවක් ගංගාධර❤️

සිංදුවක ෂබ්දයට විතරක් මුල්තැනදෙන කාලෙක මේවගේ අර්තයට විතරක් නොදෙවිනි සින්දුවක් කරන එක වටිනව

හම්මෝ stress ඔක්කොම වාශ්ප වෙලා ගියා😊❤

සුසුම් පපුවක සිර කළත් සද වරම් හිමි නැහැ මුර කිරීමට කඩා බිදලා පැමිණි පසුවද තවත් කොතනක සිර කරන්නද? ❤️✡️

මේකේ මාර රහක් තියෙන්නේ අයියේ ... උබේ මේ සින්දුවත් අති සාර්ථකයි.කටහඬ නම් පට්ට feel වෙනවා සැපට. කරුමේ කියන්නේ මේ වගේ වටින සින්දු මේ රටේ ජනප්‍රිය නොවෙන එක.තෙරුවන් සරනයි අයියේ...සුබ පතනවා ඉදිරි ගමනට..

මේ දැන් "යශෝදරා" රේඩි එකේ විකාශය වෙනව...චැනල් එක නම් මොකද්ද දන්නෑ ඒත්...පට්ට සතුටුයි❤️‍🩹

මම පට්ට අසයි මේ සිංදු වලට. වෙන මොන සිංදු ඇහුවත් වැඩක් නැ. මේ වගේ සිංදුම ලියන්න. ❤❤ ජය වේවා

මං මේ සින්දු අහන්න අවා ම මුලින්ම කරන්නේ, මේ සින්දුවේ comments කියවන එක!.. මොකද, මං විශ්වාස කරනවා - මේ වගේ සින්දු අහද්දි මිනිස්සුන්ගේ හදවත් ලෝකෙට විවර වෙනවා කියලා...ඉතින් තමන්ගේ සුන්දර හෝ අසුන්දර වෙන අත්දැකීම් අනික් අයත් එක්ක බෙදාගන්න එයාලා දෙපාරක් හිතන්නේ නෑ..... ඉතින්, ඒ වචනවලට මං ආදරෙයි!❤