Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
İndi təqdim edəcəyimiz sujetlə dağların qoynuna, səfalı yerlərə səyahət edəcəksiz. Söhbət Zaqatalanın ucqar dağ kəndlərindən gedir. Daha doğrusu, bu yerlər bir zamanlar kənd idi, indi isə sadəcə bir neçə sakinin yaşadığı adsız ərazilərdir. Ötən əsrin 50-60-ci illərinə qədər xeyli insanın yaşadığı bu yerlər gedib-gəlməyin çətinliyindən kənd statusundan çıxarılıb. Bu cənnət məkanı görənlərsə hər bir çətinliyə rəğmən hələ də orda yaşamını davam etdirən sakinləri daha yaxşı anlayır. Muxax çayının sahilində, Qafqaz dağlarının ətəyində yerləşən bu kəndlərə gediş-gəliş yalnız Ural tipli xüsusi nəqliyyat vasitələri ilə mümkündür. Şəhər mərkəzindən 30-35 km aralıda yerləşən kəndlərlə soyuq aylarda ümumiyyətlə əlaqə kəsilir. Çay yatağı aiddiyyatı qurumlar tərəfindən müəyyən dərəcədə düzəldilsə də sel suları yenidən yuyur. Kəndlərin bəzisində 2, bəzisində isə 70-ə yaxın ailə yaşayır. Hansı ki, onlar əsasən arıçılıq və maldarlıqla məşğul olanlar, eləcə də dədə-baba yurdunu tərk etmək istəməyənlərdir. Kəndlər elektrik enerjisi və digər vacib infrastrukturlarla təmin edilsə də, sakinlər telefonla əlaqə saxlamaqda çətinlik çəkirlər. Sakinlərin sözlərinə görə, çay yatağının yerini dəyişmək və bir neçə körpü qoymaqla yol problemini həll etmək mümkündür. Lakin mütəxəssislər ərazinin relyefini nəzərə alaraq bunun təhlükəli olacağını deyir. Elə bu səbəbdən də hələ 1950-60-cı illərdən kəndlərin köçürülməsinə başlanılıb. Dərənin ən ucqar ərazisində yerləşən Köhnə Suvagil bütövlükdə köçürülərək,Yeni Suvagil kəndi salınıb, digər kəndlərin sakinləri isə Dağlı, Lahıc, Mamrux kəndlərində yurd salıb. İndi bu ərazilərdə yalnız yaşlı sakinlər qalır. Yay aylarında istirahət etmək üçün kəndin köhnə sakinləri də arabir ata-baba yurdlarına baş çəkir. Turizm üçün də cəlbedici olan bu yerlərə hərdən keşməkeşli yolu keçib turislər də ayaq basır.
#GünəDavam
14 май 2021
